ജൂഡ് ആന്തണി ജോസഫിന്റെ സംവിധാനത്തില് പുറത്തിറങ്ങിയ '2018 എവരിവണ് ഈസ് എ ഹീറോ' 50 കോടി കളക്ഷന് പിന്നിട്ടു. മികച്ച പ്രേക്ഷക പ്രതികരണവും നേടിമുന്നേറുന്ന ചിത്രം റിലീസ് ചെയ്ത് ഏഴ് ദിവസംകൊണ്ടാണ് 50 കോടി ക്ലബ്ബില് ഇടം പിടിച്ചിരിക്കുന്നത്. 2018ലെ കേരളത്തിലെ പ്രളയം പശ്ചാത്തലമാക്കിയൊരുക്കിയ ചിത്രം മെയ് അഞ്ചിനാണ് തിയറ്ററുകളിലെത്തിയത്.
'എഴ് ദിവസം കൊണ്ട് '2018 എവരിവണ് ഈസ് എ ഹീറോ' എന്ന ചിത്രം കളക്ട് ചെയ്തത് ഏകദേശം അന്പത് കോടി രൂപയോളമാണ്, രണ്ടാഴച്ചയ്ക്കുള്ളില് ചിത്രം നൂറ് കോടി കളക്ഷന് നേടാന് സാധ്യതയുണ്ടെന്നും സിനിമയുടെ നിര്മ്മാാതാവായ വേണു കുന്നപ്പിള്ളി ദ ക്യു സ്റ്റുഡിയോയോട് പറഞ്ഞു.
മലയാളത്തില് ആദ്യ നാല് മാസം റിലീസ് ചെയ്ത 75 ചിത്രങ്ങളില് ഒരു ചിത്രം മാത്രമാണ് തിയറ്ററുകളില് വിജയമുണ്ടാക്കിയത് എന്നും തിയറ്ററുകള് ബുദ്ധിമുട്ടിലാണ് മുന്നോട്ട് പോകുന്നതെന്നും ചര്ച്ച ചെയ്യപ്പെടുന്ന സമയത്താണ് 2018 റിലീസ് ചെയ്തത്. ചിത്രത്തിന്റെ വിജയം തിയറ്റര് മേഖലയ്ക്ക് ഉണര്വ്വാകും.
ടൊവിനോ തോമസ്, കുഞ്ചാക്കോ ബോബന്, ആസിഫ് അലി, വിനീത് ശ്രീനിവാസന്, അപര്ണ ബാലമുരളി, ശിവദ നായര്, തന്വി റാം, ഗൗതമി നായര്, ഇന്ദ്രന്സ്, ലാല്, നരേന്, അജു വര്ഗീസ്, കലൈയരസന്, ജനാര്ദ്ദനന് തുടങ്ങിയവരാന് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
അഖില് ജോര്ജ്ജ് ഛായാഗ്രഹണം നിര്വ്വഹിക്കുന്ന ചിത്രത്തിന്റെ ചിത്രസംയോജനം ചമന് ചാക്കോയാണ് കൈകാര്യം ചെയ്തിരിക്കുന്നത്. നോബിന് പോളിന്റെതാണ് സംഗീതം, വിഷ്ണു ഗോവിന്ദിന്റെതാണ് സൗണ്ട് ഡിസൈന്. പ്രൊഡക്ഷന് ഡിസൈനര് : മോഹന്ദാസ്, ലൈന് പ്രൊഡ്യൂസര് : ഗോപകുമാര് ജികെ, പ്രൊഡക്ഷന് കണ്ട്രോളര് : ശ്രീകുമാര് ചെന്നിത്തല, ചീഫ് അസോസിയേറ്റ് ഡയക്ടര് : സൈലക്സ് അബ്രഹാം, വസ്ത്രാലങ്കാരം : സമീറ സനീഷ്, പി ആര് ഒ & ഡിജിറ്റല് മാര്ക്കറ്റിങ്ങ് : വൈശാഖ് സി വടക്കേവീട്, ജിനു അനില്കുമാര്, സ്റ്റില്സ് : സിനറ്റ് & ഫസലുള് ഹഖ്, വി എഫ് എക്സ് : മിന്റ്സ്റ്റീന് സ്റ്റ്യുഡിയോസ്, ഡിസൈന്സ് : യെല്ലോടൂത് എന്നിവരാണ് മറ്റ് അണിയറപ്രവര്ത്തകര്.