കന്നഡയില്‍ നിന്നെത്തി രാജ്യാന്തര ബോക്‌സ് ഓഫീസിനെ വിറപ്പിച്ച കെജിഎഫ് സീരീസിലെ ചാപ്റ്റര്‍ ടു 2020 ഒക്ടോബര്‍ 23ന് റിലീസ്. അഞ്ച് ഭാഷകളിലായാണ് ദസറ വാരാന്ത്യ റിലീസിന് സിനിമയെത്തുന്നത്. യാഷ് അവതരിപ്പിക്കുന്ന റോക്കി മെഷിന്‍ ഗണ്ണുമായി പുറംതിരിഞ്ഞുനില്‍ക്കുന്ന ചിത്രത്തോടൊപ്പമാണ് റിലീസ് പ്രഖ്യാപിച്ചുള്ള പോസ്റ്റര്‍. 2020 ഏപ്രില്‍ റിലീസായി നേരത്തെ ആലോചിച്ചിരുന്ന ചിത്രം രാജമൗലിയുടെ ആര്‍ആര്‍ആര്‍ ന് വേണ്ടിയാണ് നീട്ടിവച്ചതെന്ന് അഭ്യഹമുണ്ടായിരുന്നു.

കന്നഡ,തെലുങ്ക്,തമിഴ്,ഹിന്ദി പതിപ്പുകളിലായി 300 കോടിയോളം ബോക്‌സ് ഓഫീസില്‍ നേടിയ കെജിഎഫ് യാഷ് എന്ന നടനെ ദേശീയ ശ്രദ്ധയിലെത്തിച്ചിരുന്നു.

കെജിഎഫ് രണ്ടാം ഭാഗത്തില്‍ സഞ്ജയ് ദത്ത് അധീരയുടെ റോളിലും രവീണാ ടണ്ടന്‍ പ്രധാനമന്ത്രിയായും എത്തുന്നു. പ്രശാന്ത് നീല്‍ ആണ് കെജിഎഫ് രചനയും സംവിധാനവും.