മലയാളത്തിലെ ആദ്യ ടെക്നോ-ഹൊറര് ചിത്രമെന്ന അവകാശവാദവുമായി ചതുര്മുഖം. മഞ്ജു വാരിയര് പ്രൊഡക്ഷന്റെയും ജിസ് ടോംസ് മൂവീസിന്റെയും ബാനറില് പുറത്തിറങ്ങുന്ന ചതുര്മുഖം സംവിധാനം ചെയ്തിരിക്കുന്നത് രഞ്ജിത്ത് കമല ശങ്കറും, സലില്.വിയും ചേര്ന്നാണ്.
ആമേന്, നയന്, കുരുതി എന്നീ ചിത്രങ്ങളുടെ ഛായാഗ്രാഹകന് ആയ അഭിനന്ദന് രാമാനുജം ആണ് ചതുര്മുഖത്തിന്റെ ഛായാഗ്രഹണം. വിഷ്ണു ഗോവിന്ദാണ് ചിത്രത്തിന്റെ സൗണ്ട് ഡിസൈന്. ജിസ് ടോംസ് മൂവിയുടെ ബാനറില് ജിസ് ടോംസ്, ജസ്റ്റിന് തോമസും സഹനിര്മ്മാണം. അഭയകുമാര് കെ, അനില് കുര്യന് എന്നിവരാണ് രചന. മഞ്ജു വാരിയര്, സണ്ണി വെയിന് എന്നിവരെ കൂടാതെ, അലന്സിയര്, നിരഞ്ജന അനൂപ്, ശ്യാമപ്രസാദ്, ശ്രീകാന്ത് മുരളി, കലാഭവന് പ്രജോദ് തുടങ്ങി വന്താര നിര സിനിമയിലുണ്ട്.
ഗാനരചയിതാവ് മനു മഞ്ജിത്ത്, സംഗീത സംവിധാനവും, സൗണ്ടും കൈകാര്യം ചെയ്തിരിക്കുന്നത് ഡോണ് വിന്സെന്റാണ്, വസ്ത്രാലങ്കാരം സമീറ സനീഷ്. മേക്കപ്പ്-രാജേഷ് നെന്മാറ,കല-നിമേഷ് എം താനൂര്, ചിഫ് അസോസിയേറ്റ് ഡയറക്ടര്-ശ്യാമന്തക് പ്രദീപ്, ഡിസൈന്സ്- ദിലീപ് ദാസ്. സെഞ്ച്വറി ഫിലിംസ് ചതുര്മുഖം തിയ്യേറ്ററിലെത്തിക്കുന്നു
മമ്മൂട്ടിയും മഞ്ജു വാര്യരും ആദ്യമായി ഒരുമിച്ചെത്തുന്ന ദി പ്രീസ്റ്റ്, നിവിന് പോളിക്കൊപ്പം പടവെട്ട്, സന്തോഷ് ശിവന് ജാക്ക് ആന്ഡ് ജില്, മധു വാര്യരുടെ സംവിധാനത്തില് ലളിതം സുന്ദരം, സനല്കുമാര് ശശിധരന് ചിത്രം കയറ്റം എന്നിവയാണ് മഞ്ജുവാര്യരുടെ പുറത്തിറങ്ങാനുള്ള സിനിമകള്.