പൂര്‍ണനഗ്നനായി ഓടുകയും അതിന്റെ ചിത്രങ്ങള്‍ സമൂഹ മാധ്യമങ്ങളില്‍ പങ്കുവെയ്ക്കുകയും ചെയ്തതില്‍ നടനും മോഡലുമായ മിലിന്ദ് സോമനെതിരെ ഗോവ പൊലീസ് കേസെുടുത്തു. ഗോവ ബീച്ചില്‍ നഗ്നനായി ഓടുന്ന ചിത്രം മിലിന്ദ് ഇന്‍സ്റ്റഗ്രാമില്‍ പങ്കുവെച്ചിരുന്നു. അശ്ലീല പ്രചരണം ആരോപിച്ചാണ് കേസെടുത്തിരിക്കുന്നത്. നേരത്തെ അശ്ലീല ഫോട്ടോഷൂട്ടെന്ന് ആരോപിച്ച് നടിയും മോഡലുമായ പൂനം പാണ്ഡേയെ അറസ്റ്റ് ചെയ്തിരുന്നു. അതേസമയം നഗ്നതാ പ്രദര്‍ശനത്തില്‍ പൂനം പാണ്ഡേയ്‌ക്കെതിരെ കേസെടുക്കുകയും മിലിന്ദ് സോമനെതിരെ കേസെടുക്കാതിരിക്കുകയും ചെയ്യുന്നത് വിവേചനമാണെന്ന് ചൂണ്ടിക്കാട്ടി ചിലര്‍ രംഗത്തെത്തുകയും ചെയ്തിരുന്നു.
ഇന്ത്യന്‍ പീനല്‍ കോഡിലെ 294ാം വകുപ്പ് പ്രകാരമാണ് മിലിന്ദ് സോമനെതിരായ കേസ്. ഇതുകൂടാതെ ഐടി നിയമത്തിലെ വിവിധ വകുപ്പുകളും ചുമത്തിയതായി തെക്കന്‍ ഗോവ സൂപ്രണ്ട് ഓഫ് പൊലീസ് പങ്കജ് കുമാര്‍ അറിയിച്ചു. നവംബര്‍ 4 നാണ് മിലിന്ദ് ബീച്ചിലൂടെ നഗ്നനായി ഓടുന്ന ചിത്രം പോസ്റ്റ് ചെയ്തത്. അന്ന് മിലിന്ദിന്റെ 55ാം പിറന്നാളായിരുന്നു. ഭാര്യ അങ്കിത കോന്‍വാറാണ് ഫോട്ടോയെടുത്തത്. നേരത്തെ അര്‍ധനഗ്നയായി ഫോട്ടോഷൂട്ട് നടത്തിയതിന്റെ പേരിലാണ് പൂനം പാണ്ഡേയ്‌ക്കെതിരെ കേസെടുത്തത്.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ഗോവയിലെ നിയന്ത്രിത ഡാം സൈറ്റില്‍ അശ്ലീല വീഡിയോ ചിത്രീകരിച്ചെന്ന് ചൂണ്ടിക്കാട്ടിയായിരുന്നു കേസ്. നടിയുടെ അറസ്റ്റ് രേഖപ്പെടുത്തുകയും ചെയ്തു. സര്‍ക്കാര്‍ സ്ഥലത്ത് അതിക്രമിച്ചുകയറിയായിരുന്നു ഷൂട്ടെന്നും പൊലീസ് വിശദീകരിച്ചിരുന്നു. അതേസമയം എല്ലാ നഗ്നതയും അശ്ലീലമല്ലെന്ന് ചൂണ്ടിക്കാട്ടി ജുഡീഷ്യല്‍ മജിസ്‌ട്രേട്ട് കോടതി പൂനത്തിന് ജാമ്യം അനുവദിക്കുകയും ചെയ്തിരുന്നു.