ജനങ്ങൾക്ക് ആവശ്യമുള്ളതാണ് മാധ്യങ്ങൾ കൊടുക്കേണ്ടത് എന്നാണ് കരുതുന്നതെങ്കിൽ അത് മാധ്യമ പ്രവർത്തനമല്ല. അത് ബിസിനസാണ്. ജനങ്ങൾക്ക് ഏതാണ് നല്ലത് എന്ന് തിരിച്ചറിഞ്ഞ് അത് അവരിലേക്ക് ശരിയായ രീതിയിൽ എത്തിക്കാനുള്ള ഉത്തരവാദിത്തം മാധ്യമങ്ങൾക്കുണ്ട്. സയൻസ് ജേണലിസം പൊതുവേ മാധ്യമങ്ങളിൽ ഇല്ല.

പിണറായി വിജയൻ പത്രസമ്മേളനം നടത്തുമ്പാേൾ പോലും അതിനെ കുറ്റപ്പെടുത്തുകയാണ്. ഈ പത്രസമ്മേളനം പിണറായി വിജയന്റെ കൾട്ടിനെ കൂട്ടാനല്ലേ എന്ന തരത്തിലുള്ള സൂചകങ്ങൾ എറിഞ്ഞുകൊടുക്കുകയാണ്. മാധ്യമങ്ങൾ സർക്കാർ ചെയ്യുന്നത് എല്ലാം ശരിയാണെന്ന് പറയണമെന്നല്ല ഞാൻ പറയുന്നത്. വിമർശനാത്മകമായിരിക്കണം. പക്ഷേ അതിലൊന്നും പറയാനില്ലെങ്കിൽ രാഷ്ട്രീയവത്കരിച്ച് ഇതൊക്കെ പബ്ലിസിറ്റി സ്റ്റൻഡാണ് എന്ന് പറയുന്നത് അം​ഗീകരിക്കാനാകില്ല