ടാറ്റയുടെ പ്രീമിയം ഹാച്ച്ബാക്ക് ആൾട്രോസ് 2020 ജനുവരിയിൽ ഇന്ത്യൻ നിരത്തിലെത്തുമെന്ന് ഒദ്യോഗിക അറിയിപ്പ്. ആൾടോസിന്റെ പുതിയ വീഡിയോ പുറത്തുവിട്ടുകൊണ്ടാണ് കമ്പനി ഇത് സ്ഥിരീകരിച്ചിരിക്കുന്നത്. 2018 ലെ ഓട്ടോ എക്സ്പോയിൽ 45 എക്സ് കൺസെപ്റ്റായി ഈ മോഡലിനെ ആദ്യം പ്രദർശിപ്പിച്ച കമ്പനി 2019 ജനീവ മോട്ടോർ ഷോയിൽ പ്രീമിയം ഹാച്ച്ബാക്കിന്റെ ഉത്പാദന ആവർത്തനത്തോട് കൂടുതൽ അടുപ്പം കാണിക്കുകയും മോഡലിനെക്കുറിച്ചുള്ള ചില പ്രധാന വിശദാംശങ്ങൾ വെളിപ്പെടുത്തുകയും ചെയ്തു.

നിരവധി സ്പൈ ഇമേജുകളിൽ നിന്ന് വ്യക്തമാകുന്നതുപോലെ, ഹാച്ച്ബാക്ക് ആശയത്തിന്റെ ശക്തമായൊരു രൂപം തന്നെയാണ് കമ്പനി നിലനിർത്തിയിരിക്കുന്നത്. നേർത്ത സ്വീപ്‌ബാക്ക് ഹെഡ്‌ലാമ്പുകൾ ഗ്രിൽ അപ്പ് ഫ്രണ്ട്, ബെൽറ്റ്-ലൈൻ, വലിയ ചക്രങ്ങൾ, ഉയരുന്ന വിൻഡോ ലൈൻ എന്നിവ പുതിയ മോഡലിൽ ഉൾക്കൊള്ളുന്നു. ജനീവയിൽ പ്രദർശിപ്പിച്ചിരുന്ന കാറിന് സമാനമാണ് ഡിസൈൻ എന്നാണ് പ്രതീക്ഷ. ടെയിൽഗേറ്റിന് പിന്നിലെ വിൻഡ്‌സ്ക്രീനിന് തൊട്ടുതാഴെയായി ബ്ലാക്ക് ഔട്ട് എലമെന്റ് നൽകിയിട്ടുണ്ട്.

ടാറ്റയുടെ പുതിയ ആൽ‌ഫ പ്ലാറ്റ്‌ഫോമിൽ നിർമ്മിച്ചിറക്കുന്ന ആദ്യത്തെ ടാറ്റ മോഡലാകും ആൾട്രോസ്.പ്രൊജക്ടർ ഹെഡ്‌ലാമ്പുകൾ, എൽഇഡി ഡിആർഎല്ലുകൾ, എൽഇഡി ടെയിൽ ലാമ്പുകൾ, മികച്ച അലോയ് വീൽ ഡിസൈൻ എന്നിവയെല്ലാം ഉൾക്കൊള്ളുന്ന പ്രീമിയം ഹാച്ച്ബാക്കായിരിക്കും ആൾട്രോസെന്ന് വീഡിയോയിൽ നിന്ന് മനസിലാക്കാം. ദീപാവലി സമയത്ത് ആൾട്രോസിനെ വിപണിയിൽ എത്തിക്കുമെന്നായിരുന്നു ആദ്യ റിപ്പോർട്ടുകൾ എങ്കിലും പിന്നീട് കമ്പനി അത് നീട്ടിവെയ്ക്കുകയായിരുന്നു. നേരത്തെ, ബി‌എസ്-IV എഞ്ചിനുകൾക്കൊപ്പം ഹാച്ച്ബാക്കിനെ പുറത്തിറക്കാനായിരുന്നു ടാറ്റയുടെ പദ്ധതി. എന്നാൽ ഇപ്പോൾ നവീകരിച്ച ബിഎസ്-VI എഞ്ചിനുകൾ ഉൾപ്പെടുത്തി വാഹനത്തെ വിപണിയിലെത്തിക്കാനാണ് കമ്പനി തീരുമാനിച്ചിരിക്കുന്നത്.

‘ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം