വലിയ നിര പുതിയ ഉല്‍പ്പന്നങ്ങളാണ് ആപ്പിള്‍ അടുത്തമാസം പുറത്തിറക്കുന്നത്. അതിലേറ്റവും പ്രധാനപ്പെട്ടതാണ് ആപ്പിള്‍ വാച്ച് സീരീസ് 5. സ്മാര്‍ട്ട് വാച്ചുകളില്‍ ഏറ്റവും മുന്നില്‍ നില്‍ക്കുന്ന ആപ്പിള്‍ വാച്ച് സീരീസ് 5 ന്റെ ടൈറ്റാനിയം,സെറാമിക് വേര്‍ഷനുകള്‍ അടുത്ത മാസത്തെ ലോഞ്ചില്‍ ഉണ്ടാകുമെന്നാണ് റിപ്പോര്‍ട്ടുകള്‍. കൂടാതെ സ്‌റ്റെയ്ന്‍ലെസ് സ്റ്റീല്‍ രൂപകല്‍പ്പനയിലുള്ള ആപ്പിള്‍ വാച്ച് സീരീസ് 4 ഉം ലോഞ്ചില്‍ ഇടം പിടിക്കുമെന്ന്‌ അറിയുന്നു.

40 എംഎം, 44 എംഎം വേര്‍ഷനുകള്‍ ആയിട്ടായിരിക്കും പുതിയ മോഡലുകള്‍ വിപണിയിലെത്തുന്നത്. ഫെബ്രുവരിയിലാണ്, സെറാമിക് പുറംഭാഗത്തോടെയുള്ള വരവ് ഈ വര്‍ഷം തന്നെയുണ്ടാകുമെന്ന വാര്‍ത്ത പുറത്തുവന്നത്. പുതിയ മോഡലുകളോടൊപ്പം തന്നെ ആപ്പിള്‍ വാച്ച് സീരീസ് 5 മോഡലുകളില്‍ ഒലെഡ് ഡിസ്പ്ലേയുടെ ഉപയോഗവും വൈകാതെ ഉണ്ടാകുമെന്നാണ് വിവരം.