ബി.സി.സി.ഐ അധ്യക്ഷന്‍ സൗരവ് ഗാംഗുലിക്ക് വീണ്ടും നെഞ്ചുവേദന. കൊല്‍ക്കത്തയിലെ സ്വകാര്യ ആശുപത്രിയില്‍ പ്രവേശിപ്പിച്ചു. റോഡുകള്‍ ഒഴിപ്പിച്ച് പ്രത്യേക ക്രമീകരണം ഒരുക്കിയാണ് ആശുപത്രിയിലെത്തിച്ചത്.

കഴിഞ്ഞ മാസം ഗാംഗുലിക്ക് ഹൃദയാഘാതമുണ്ടായിരുന്നു. ആന്‍ജിയോപ്ലാസ്റ്റിക് വിധേയനാക്കിയിരുന്നു. വിദഗ്ധ പരിശോധനകള്‍ക്ക് വിധേയനാക്കണമെന്ന് ആശുപത്രി അധികൃതര്‍ അറിയിച്ചു.

പ്രത്യേക മെഡിക്കല്‍ സംഘമാണ് സൗരവ് ഗാംഗുലിയെ പരിശോധിക്കുന്നത്. ഒമ്പതംഗ വിദഗ്ധ സംഘമാണിത്. വിദേശത്ത് നിന്നുള്ള വിദഗ്ധരുടെ സഹായവും തേടിയിട്ടുണ്ട്.