മധ്യപ്രദേശ് ഉപതെരഞ്ഞെടുപ്പ് പ്രചരണത്തിനിടെ ജ്യോതിരാദിത്യസിന്ധ്യയ്ക്ക് നാക്കുപിഴ. കൈപ്പത്തി ചിഹ്നത്തില് വോട്ട് ചെയ്യൂവെന്ന് ബിജെപി റാലിയെ അഭിസംബോധന ചെയ്യവേ സിന്ധ്യ പറഞ്ഞു. ഇതിന്റെ വീഡിയോ സമൂഹ മാധ്യമങ്ങളില് വൈറലായിരിക്കുകയാണ്. കൈപ്പത്തി ചിഹ്നമുള്ള ബട്ടണ് അമര്ത്തി കോണ്ഗ്ര,- എന്നുപറഞ്ഞിടത്ത് നിര്ത്തി സിന്ധ്യ തിരുത്തുകയായിരുന്നു. ദാബ്രയിലെ തെരഞ്ഞെടുപ്പ് പ്രചരണ റാലിയിലായിരുന്നു പരാമര്ശം.ഇവിടെ നവംബര് മൂന്നിനാണ് തെരഞ്ഞെടുപ്പ്.
കോണ്ഗ്രസ് വിട്ട് ബിജെപിയില് ചേക്കേറിയെങ്കിലും സിന്ധ്യയുടെ മനസ്സില് ഇപ്പോഴും കോണ്ഗ്രസ് ആണെന്നും ഉള്ളിലുള്ളത് പറഞ്ഞുപോയതാണെന്നുമൊക്കെ സമൂഹ മാധ്യമങ്ങളില് കമന്റുകള് നിറയുകയാണ്.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കമല്നാഥ് സര്ക്കാരിനെ അട്ടിമറിച്ചാണ് സിന്ധ്യ ബിജെപിയില് ചേര്ന്നത്. 22 എംഎല്എമാരെ അടര്ത്തിയാണ് പാര്ട്ടി വിട്ടത്. സിന്ധ്യ അനുകൂലികള് രാജിവെച്ച ഒഴിവിലേക്കടക്കം 28 മണ്ഡലങ്ങളിലേക്കാണ് ചൊവ്വാഴ്ച ഉപതെരഞ്ഞെടുപ്പ്.