യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന് റാഷിദ് അല് മക്തൂമിന്റെ പുത്രന്മാര് വിവാഹിതരായി. ദുബായ് കിരീടാവകാശിയും ദുബായ് എക്സിക്യൂട്ടീവ് കൗണ്സില് ചെയര്മാനുമായ ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം, സഹോദരങ്ങളായ, ദുബായ് ഉപഭരണാധികാരി, ഷെയ്ഖ് മക്തൂം ബിന് മുഹമ്മദ്,
മുഹമ്മദ് ബിന് റാഷിദ് അല് മക്തൂം നോളജ് ഫൗണ്ടേഷന് ചെയര്മാന് ഷെയ്ഖ് അഹമ്മദ് ബിന് മുഹമ്മദ് എന്നിവരാണ് വിവാഹിതരായത്.
ഷെയ്ഖ ബിന്ത് സഈദ് ബിന് താനി അല് മക്തൂമാണ്, ഷെയ്ഖ് ഹംദാന്റെ ജീവിത പങ്കാളി. ഷെയ്ഖ് മക്തൂം ബിന് മുഹമ്മദ്, ഷെയ്ഖ മര്യം ബിന്ത് ബൂച്ചി അല് മക്തൂമിനേയും ഷെയ്ഖ് അഹമ്മദ് ബിന് മുഹമ്മദ് ഷെയ്ഖ മിദ്യ ബിന്ത് ദല്മൂജ് അല് മക്തൂമിനേയും ജീവിത സഖിമാരാക്കി.
ഇന്സ്റ്റാഗ്രാമിലൂടെ ഇവരുടെ സഹോദരിയായ ഷെയ്ഖ ലത്തീഫ ബിന്ത് മുഹമ്മദാണ്, വിവാഹ വിവരം അറിയിച്ചത്. ബുധനാഴ്ച രാത്രിയാണ്, മൂന്ന് പേരുടെയും വിവാഹം ഒരേ വേദിയില് നടന്നത്.