ഇന്ത്യയുടെ അന്താരാഷ്ട്ര ചലച്ചിത്രമേളയുടെ അമ്പതാം പതിപ്പിന് ഗോവയില്‍ തുടക്കമായി. ഇന്ത്യന്‍ സിനിമയിലെ ഇതിഹാസ താരങ്ങളായ അമിതാബ് ബച്ചനും രജിനികാന്തുമാണ് മേളയ്ക്ക് തിരി കൊളുത്തിയത്. 76 രാജ്യങ്ങളില്‍ നിന്നുള്ള 200ലേറെ സിനിമകളാണ് ഇഫി 2019ലുള്ളത്. അക്കാദമി ഓഫ് മോഷന്‍ പിക്‌ചേഴ്‌സ് പ്രസിഡന്റ് ജോണ്‍ ബെയ്‌ലിയും ഗോവാ രാജ്യാന്തര ചലച്ചിത്രമേളയില്‍ പങ്കെടുക്കാനെത്തിയിട്ടുണ്ട്. ഐക്കണ്‍ ഓഫ് ഗോള്‍ഡന്‍ ജൂബിലി പുരസ്‌കാരം രജിനികാന്തിന് സമ്മാനിച്ചു.