തമിഴ്‌നാട്ടില്‍ തദ്ദേശ തെരഞ്ഞെടുപ്പില്‍ ട്രാന്‍സ്‌ജെന്‍ഡര്‍ സ്ഥാനാര്‍ത്ഥി വിജയിച്ചു. ഡി.എം.കെയിലെ ഗംഗാ നായക്കാണ് വിജയിച്ചത്. വെല്ലൂര്‍ കോര്‍പ്പറേഷനിലെ 37ാം വാര്‍ഡിലായിരുന്നു ഗംഗാ നായക് മത്സരിച്ചത്.
20 വര്‍ഷമായി ഡി.എം.കെ പ്രവര്‍ത്തകയാണ് 49കാരിയായ ഗംഗാ നായക്. വെല്ലൂര്‍ ആസ്ഥാനമായുള്ള സൗത്ത് ഇന്ത്യ ട്രാന്‍സ്‌ജെന്‍ഡര്‍ അസോസിയേഷന്‍ സെക്രട്ടറിയാണ്.
ഡി.എം.കെയ്ക്ക പുറമേ എ.ഐ.എ.ഡി.എം.കെയും ബി.ജെ.പിയും ട്രാന്‍സ്‌ജെന്‍ഡര്‍ സ്ഥാനാര്‍ത്ഥികളെ മത്സരിപ്പിച്ചിരുന്നു. തദ്ദേശ തെരഞ്ഞെടുപ്പില്‍ 15 ട്രാന്‍സ്‌ജെന്‍ഡറുകള്‍ മത്സരിച്ചിരുന്നു. പലരും സ്വതന്ത്ര സ്ഥാനാര്‍ത്ഥികളായിരുന്നു.