ബംഗളൂരു ലഹരിമരുന്ന് കേസിലെ അന്വേഷണം മലയാള സിനിമാ മേഖലയിലേക്കുമെന്ന് റിപ്പോര്ട്ടുകള്. കേസില് പിടിയിലായ മുഹമ്മദ് അനൂപ്, നിയാസ്, റിജേഷ് രവീന്ദ്രന് എന്നിവരുമായി ബന്ധമുള്ള ചലച്ചിത്ര മേഖലയിലുള്ളവരെ നാര്കോടിക് കണ്ട്രോള് ബ്യൂറോ ചോദ്യം ചെയ്യുമെന്നറിയുന്നു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
2019 ജനുവരില് മുതല് മലയാളത്തില് നിര്മ്മിച്ച സിനിമകളുടെ മുടക്കമുടതലിനെക്കുറിച്ചും വിജയപരാജയം സംബന്ധിച്ചും വിശദാംശങ്ങള് ആവശ്യപ്പെട്ട് സംസ്ഥാന സ്പെഷ്യല് ബ്രാഞ്ച് കേരളാ ഫിലിം പ്രൊഡ്യൂസേഴ്സ് അസോസിയേഷന് കത്ത് നല്കിയിട്ടുണ്ട്. കേന്ദ്ര ഏജന്സികളുടെ നിര്ദേശപ്രകാരമാണ് സ്പെഷ്യല് ബ്രാഞ്ച് കത്ത് നല്കിയതെന്നാണ് സൂചന.
സ്വര്ണ്ണക്കടത്ത്-ബംഗളൂരു ലഹരിമരുന്ന് കേസുകളില് വന് തോതില് സാമ്പത്തിക ഇടപാടും പണം വെളുപ്പിക്കാനുള്ള നീക്കവും നടന്നതായി മൊഴികളുണ്ടായിരുന്നു. ബംഗളൂരു ലഹരിമരുന്ന് കേസില് പിടിയിലായ അനൂപ് മുഹമ്മദ് നോട്ട് നിരോധനത്തിന് പിന്നാലെ മൂന്നാറില് 200 ഏക്കറോളം വരുന്ന റിയല് എസ്റ്റേറ്റ് ഇടപാടില് ഇടനിലക്കാരനായിരുന്നുവെന്ന് നാര്കോടിക് കണ്ട്രോള് ബ്യൂറോക്ക് മൊഴി നല്കിയിരുന്നു. മലയാള സിനിമാ മേഖലയിലുള്ളവര് ഈ ഇടപാടിന്റെ ഭാഗമായിരുന്നുവെന്നും മൊഴിയിലുണ്ട്. സ്വര്ണ്ണക്കടത്ത് കേസിലെ പ്രതി കെ.ടി റമീസും ഈ ഇടപാടില് ഉണ്ടായിരുന്നു.
2019 മുതലുള്ള സിനിമകളുടെ വിവരം തേടിയതില് അസ്വാഭാവികതയില്ലെന്ന് നിര്മ്മാതാക്കളുടെ സംഘനയായ ഫിലിം പ്രൊഡ്യൂസേഴ്സ് അസോസിയേഷനിലെ മുതിര്ന്ന ഭാരവാഹി ദ ക്യുവിനോട് പറഞ്ഞു. ജിഎസ്ടിയുമായി ബന്ധപ്പെട്ടും ഏതെങ്കിലും കേസുകള് വരുമ്പോഴും സിനിമകളുടെ നിര്മ്മാണച്ചെലവുകള് സംബന്ധിച്ചും അതത് വര്ഷം കണക്കുകള് ചോദിക്കാറുണ്ട്. നിലവിലെ സ്വര്ണക്കടത്തു കേസുമായോ ലഹരികേസുമായി ബന്ധപ്പെട്ടോ അല്ല സ്പെഷ്യല് ബ്രാഞ്ചിന്റെ കത്ത്. അത്തരത്തില് പ്രചരിക്കുന്ന വാര്ത്തകള് വാസ്തവമല്ല എന്നേ ഈ ഘട്ടത്തില് പറയാനാകൂ എന്നും മുതിര്ന്ന ഭാരവാഹി പറഞ്ഞു.