ഉത്തര്‍പ്രദേശ് നിയമസഭ തെരഞ്ഞെടുപ്പില്‍ ബി.ജെ.പി വീണ്ടും അധികാരത്തിലെത്തുമെന്ന് റിപ്പബ്ലിക്ക് ടിവി എക്‌സിറ്റ് പോള്‍ ഫലം. യോഗി ആദിത്യനാഥിന്റെ നേതൃത്വത്തില്‍ ജനവിധി തേടിയ ബി.ജെ.പി 262 മുതല്‍ 277 വരെ സീറ്റുകള്‍ നേടുമെന്നാണ് പ്രവചനം. സമാജ്‌വാദി പാര്‍ട്ടിക്ക് 119 മുതല്‍ 134 വരെ സീറ്റുകള്‍ ലഭിക്കുമെന്നാണ് റിപ്പബ്ലിക് ടിവി പ്രവചിക്കുന്നത്.

മായാവതിയുടെ ബി.എസ്.പിക്ക് ഏഴ് മുതല്‍ 15 സീറ്റുകള്‍ വരെ ലഭിച്ചേക്കും. പ്രിയങ്കാ ഗാന്ധിയുടെ നേതൃത്വത്തില്‍ മത്സരിച്ച കോണ്‍ഗ്രസിന്റെ പ്രകടനം ഒറ്റസംഖ്യയില്‍ ഒതുങ്ങുമെന്നാണ് റിപ്പബ്ലിക് ടിവിയുടെ പ്രവചനം. മൂന്ന് മുതല്‍ എട്ട് സീറ്റുകളാണ് കോണ്‍ഗ്രസിന് പ്രവചിച്ചിരിക്കുന്നത്.

ഏഴ് ഘട്ടങ്ങളിലായിട്ടായിരുന്നു ഉത്തര്‍പ്രദേശില്‍ തെരഞ്ഞെടുപ്പ് നടന്നത്. 403 സീറ്റുകളിലേക്കാണ് ജനവിധി. 202 സീറ്റുകളാണ് കേവല ഭൂരിപക്ഷത്തിന് വേണ്ടത്.