എറണാകുളത്ത് ഇടത് സ്വതന്ത്രനായി മത്സരിക്കുന്നത് അഡ്വക്കേറ്റ് മനു റോയ്. മുതിര്ന്ന മാധ്യമ പ്രവര്ത്തകന് കെ എം റോയിയുടെ മകനായ മനു ഹൈക്കോടതി അഭിഭാഷകനാണ്. പ്രഖ്യാപനം അടുത്ത ദിവസമാണെങ്കിലും മനു വോട്ട് ചോദിച്ച് തുടങ്ങി.
ലത്തീന് സമുദായത്തിലുള്ള സ്വതന്ത്ര സ്ഥാനാര്ത്ഥിയെയാണ് സിപിഎം തുടക്കം മുതല് പരിഗണിച്ചത്. ചര്ച്ചകളില് ഉയര്ന്നു നിന്ന പേരാണ് മനുവിന്റെത്. ലോയേഴ്സ് യൂണിയന് അംഗമായ മനു എറണാകുളം ബോര് അസോസിയേഷന് ഭാരവാഹിയായിരുന്നു. സെയ്ന്റ് പോള്സ് കോളേജില് എസ് എഫ് ഐ പാനലില് നേരത്തെ മത്സരിച്ചിട്ടുണ്ട്.
ടി ജെ വിനോദിനെയാണ് യുഡിഎഫ് എറണാകുളത്ത് പരിഗണിക്കുന്നത്. കെ വി തോമസ് സീറ്റിനായി ശ്രമം നടത്തിയിരുന്നെങ്കിലും യൂത്ത് കോണ്ഗ്രസ് പ്രവര്ത്തകര് പ്രതിഷേധിച്ച് രംഗത്തെത്തിയിരുന്നു. 1997ല് സെബാസ്റ്റ്യന് പോള് ലോകസഭ ഉപതെരഞ്ഞെടുപ്പില് എറണാകുളത്ത് വിജയിച്ചിരുന്നു.