മുല്ലപ്പെരിയാറില്‍ ജലനിരപ്പ് ഉയരുന്നു; ഒറ്റ ദിവസം കൊണ്ട് ഉയര്‍ന്നത് ഏഴടി. ജലനിരപ്പ് 123.2 അടി പിന്നിട്ടു. അണക്കെട്ടിന്റെ വൃഷ്ടിപ്രദേശത്ത് ശക്തമായ മഴയാണ് ലഭിക്കുന്നത്. 142 അടിയാണ് അണക്കെട്ടിന്റെ സംഭരണ ശേഷി.

ഇടുക്കി ജില്ലയിലെ എല്ലാ അണക്കെട്ടുകളിലും ജലനിരപ്പ് കഴിഞ്ഞ ദിവസങ്ങളില്‍ തന്നെ ഉയര്‍ന്ന് തുടങ്ങി. ഇടുക്കി അണക്കെട്ടില്‍ ഇന്നലെ മൂന്ന് അടി വെള്ളം ഉയര്‍ന്നു. മലങ്കര, ലോവര്‍ പെരിയാര്‍, കല്ലാര്‍കുട്ടി, കല്ലാര്‍, പഴയ മൂന്നാര്‍ അണക്കെട്ടുകളുടെ ഷട്ടറുകള്‍ തുറന്നു.

കോഴിക്കോട് കക്കയം ഡാമിന്റെ ഷട്ടര്‍ മൂന്ന് അടി വരെ തുറന്നു. എറണാകുളം ഭൂതത്താന്‍കെട്ട്, മലങ്കര അണക്കെട്ടുകളുടെ എല്ലാ ഷട്ടറുകളും തുറന്നു.

വയനാട് ബാണാസുര സാഗറിലി ജലനിരപ്പ് ഉയരുകയാണ്. പത്തനംതിട്ടയില്‍ മൂഴിയാര്‍ ഡാമിലും ശബരിഗിരി പദ്ധതിയിലും ജലനിരപ്പ് ഉയരുന്നുണ്ട്.