സംസ്ഥാനത്ത് അതിതീവ്രമഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം. എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍ , കാസര്‍കോട് ജില്ലകളില്‍ റെഡ് അലേര്‍ട്ട് പ്രഖ്യാപിച്ചു.
കോട്ടയം, ആലപ്പുഴ, പത്തനംതിട്ട ജില്ലകളില്‍ ഓറഞ്ച് അലേര്‍ട്ടും തിരുവനന്തപുരം, കൊല്ലം ജില്ലകളില്‍ യെല്ലോ അലേര്‍ട്ടും കേന്ദ്ര കാലാവസ്ഥ നിരീക്ഷണ കേന്ദ്രം പ്രഖ്യാപിച്ചിട്ടുണ്ട്. റെഡ് അലേര്‍ട്ട് പ്രഖ്യാപിച്ച ജില്ലകളില്‍ അതിതീവ്രമഴയ്ക്ക് സാധ്യതയുണ്ട്.
വയനാട്. മലപ്പുറം, ജില്ലകളില്‍ റെഡ് അലേര്‍ട്ട് നേരത്തെ പ്രഖ്യപിച്ചിരുന്നു. ഈ ജില്ലകളില്‍ കനത്ത മഴയ്‌ക്കൊപ്പം ഉരുള്‍പൊട്ടലും ഉണ്ടായിട്ടുണ്ട്. ഇവിടെ കാലവര്‍ഷക്കെടുതി രൂക്ഷമാണ്. റെഡ് അലേര്‍ട്ട് തുടരുമെന്ന മുന്നറിയിപ്പ് ഈ പ്രദേശങ്ങളിലുള്ളവരെ ഭീതിയിലാക്കുന്നു. കഴിഞ്ഞ ദിവസങ്ങളില്‍ തെക്കന്‍ കേരളത്തില്‍ മഴ ശക്തമായിരുന്നില്ല.