സംസ്ഥാനത്ത് മൂന്ന് ജില്ലകളില്‍ റെഡ് അലര്‍ട്ട് പ്രഖ്യാപിച്ചു. ഇടുക്കി, മലപ്പുറം, വയനാട് ജില്ലകളിലാണ് റെഡ് അലര്‍ട്ട് പ്രഖ്യാപിച്ചിരിക്കുന്നത്. ഇടുക്കി ജില്ലയില്‍ നാളെയും റെഡ് അലര്‍ട്ടുണ്ട്.
തിരുവനന്തപുരം, കൊല്ലം ഒഴികെയുള്ള ജില്ലകളില്‍ ഓറഞ്ച് അലര്‍ട്ടും പ്രഖാപിച്ചിട്ടുണ്ട്. ഞായറാഴ്ചയോടെ മഴ കുറയുമെന്നും കാലാവസ്ഥാ വകുപ്പ് അറിയിച്ചു.വിവിധ ജില്ലകളില്‍ മണ്ണിടിച്ചിലും ഉരുള്‍പൊട്ടലും ഉണ്ടായിട്ടുണ്ട്. മീനച്ചിലാറില്‍ ജലനിരപ്പ് ക്രമാതീതമായി ഉയരുന്നത് പാലായില്‍ വെള്ളപ്പൊക്ക ഭീഷണിയുണ്ടാക്കുന്നു.
ചൊവ്വാഴ്ച വരെ മഴ തുടരുമെന്നാണ് കാലാവസ്ഥാ വകുപ്പ് അറിയിച്ചിരിക്കുന്നത്. ഒമ്പതാം തിയ്യതിയോടെ മറ്റൊരു ന്യുനമര്‍ദ്ദം കൂടി രൂപപ്പെട്ടേക്കാമെന്നാണ് പ്രവചനം.