തലശ്ശേരിയില്‍ സി.പി.എം പ്രവര്‍ത്തകന്‍ കൊല്ലപ്പെട്ട സംഭവത്തില്‍ ബി.ജെ.പിക്കോ ആര്‍.എസ്.എസിനോ ബന്ധമില്ലെന്ന് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രന്‍. സമഗ്രമായ അന്വേഷണം വേണം. പ്രാദേശിക പ്രശ്‌നമാണ് കൊലപാതകത്തിന് പിന്നിലെന്നും കെ.സുരേന്ദ്രന്‍ പറഞ്ഞു.
തുടര്‍ഭരണത്തിന്റെ ഹുങ്കില്‍ സി.പി.എം-സി.ഐ.ടി.യു-ഡിവൈഎഫ്.ഐ- എസ്.എഫ്.ഐ പ്രവര്‍ത്തകര്‍ അഴിഞ്ഞാടുകയാണ്.
ബി.ജെ.പി കൗണ്‍സിലര്‍ ലിജീഷിനെ കസ്റ്റഡിയിലെടുത്തത് അംഗീകരിക്കാനാവില്ല.പ്രസംഗത്തിലെ ചില വാക്കുകള്‍ അടര്‍ത്തിയെടുത്ത്് ആരോപണം ഉന്നയിക്കുകയാണ്. സി.പി.എം നടത്തിയ കൊലപാതകങ്ങള്‍ മറച്ചുവെക്കാനാണ് ആര്‍.എസ്.എസിനെതിരെ ആരോപണം ഉന്നയിക്കുന്നതെന്നും കെ.സുരേന്ദ്രന്‍ ആരോപിച്ചു.