വ്യാജ പ്രചണങ്ങള്‍ക്കെതിരെ നടനും മുന്‍ എം.പിയുമായ ഇന്നസെന്റ്. ഇടതുപക്ഷക്കാരനായതില്‍ നൂറുവട്ടം പശ്ചാത്തപിക്കുന്നുവെന്നും സിനിമയില്‍ വന്നപ്പോള്‍ ഒരു ആവേശത്തിന് ഇടതുപക്ഷത്തെത്തിയതാണെന്നും ഇന്നസെന്റ് പറഞ്ഞതായി പ്രചരിച്ചിരുന്നു. ഇതിനെതിരെയാണ് ഫേസ്ബുക്ക് പോസ്റ്റിലൂടെ പ്രതികരിച്ചിരിക്കുന്നത്.

പിതാവ് അടിയുറച്ച കമ്യൂണിസ്റ്റായിരുന്നുവെന്നും ആ രാഷ്ട്രീയത്തിന്റെ ചൂടറിഞ്ഞാണ് തന്‍ വളര്‍ന്നതും ജീവിച്ചതും. മരണം വരെ അതില്‍ മാറ്റമില്ലെന്നും ഇന്നസെന്റ് വ്യക്തമാക്കി. തനിക്ക് എന്തെങ്കിലും പറയാനുണ്ടെങ്കില്‍ നേരിട്ട് പറയും. മറ്റാരും അതിന്റെ ഉത്തരവാദിത്തം ഏറ്റെടുക്കേണ്ടതില്ലെന്നും ഇന്നസെന്റ് പറയുന്നു.

ഫേസ്ബുക്ക് പോസ്റ്റിന്റെ പൂര്‍ണരൂപം

എന്റെ പിതാവ് അടിയുറച്ച ഒരു കമ്മ്യൂണിസ്റ്റായിരുന്നു.

ആ രാഷ്ട്രീയത്തിന്റെ ചൂടറിഞ്ഞാണ് ഞാന്‍ വളര്‍ന്നതും ജീവിച്ചതും.

മരണം വരെ അതില്‍ മാറ്റമില്ല.

എന്തെങ്കിലും പറയാനുണ്ടെങ്കില്‍ ഞാന്‍ തന്നെ പറഞ്ഞോളാം.

മറ്റാരും ആ ഉത്തരവാദിത്വം ഏറ്റെടുക്കേണ്ടതില്ല.

എന്റെ പേരില്‍ ഇറക്കിയ മറ്റൊരു വ്യാജ പ്രസ്താവന കൂടി ഇന്ന് കാണുകയുണ്ടായി. അതുകൊണ്ട് മാത്രം പറഞ്ഞതാണ്.