ഫേസ്ബുക്ക് പോസ്റ്റിന് കമന്റിട്ട ആളുടെ കാലും കൈയും സി.പി.എം ഏരിയാ സെക്രട്ടറിയുടെ നേതൃത്വത്തില്‍ തല്ലിയൊടിച്ചു. ഇടുക്കി കരിമണ്ണൂരിലാണ് സംഭവം. കരിമണ്ണൂര്‍ സ്വദേശി ജോസഫ് വെച്ചൂരിനെയാണ്(51) ഏരിയാ സെക്രട്ടറി പി.പി സുമേഷിന്റെ നേതൃത്വത്തിലുള്ള സംഘം മര്‍ദ്ദിച്ചതെന്ന് ജോസഫ് പറയുന്നു.
ഇരുമ്പ് പൈപ്പ് കൊണ്ട് കൈയും കാലും അടിച്ചൊടിക്കുകയായിരുന്നു. ഗുരുതരമായി പരിക്കേറ്റ ജോസഫിനെ തൊടുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
സംഭവത്തില്‍ രണ്ട് പേരെ പോലീസ് അറസ്റ്റ് ചെയ്തിട്ടുണ്ട്. സി.പി.എം പ്രവര്‍ത്തകരായ സോണി, അനന്തു എന്നിവരാണ് അറസ്റ്റിലായത്. സംഭവത്തില്‍ കൂടുതല്‍ പേര്‍ ഉള്‍പ്പെട്ടിട്ടുണ്ടെന്നാണ് പോലീസ് പറയുന്നത്.