‘റോഡുകള്‍ നന്നാക്കാന്‍ അമേരിക്കയില്‍ നിന്ന് ആളെ കൊണ്ടുവരണമോ’; കൊച്ചിയിലെ റോഡുകള്‍ 15-നകം നന്നാക്കണമെന്ന് ഹൈക്കോടതി
കൊച്ചിയിലെ തകര്‍ന്ന റോഡുകളുടെ അറ്റകുറ്റപ്പണികള്‍ ഈ മാസം 15നകം നടത്തണമെന്ന് ഹൈക്കോടതി. കൊച്ചി നഗരസഭയ്ക്കും ജിസിഡിഎയ്ക്കുമാണ് കര്‍ശന നിര്‍ദേശം നല്‍കിയിരിക്കുന്നത്. റോഡുകള്‍ യുദ്ധകാലാടിസ്ഥാനത്തില്‍ നന്നാക്കിയില്ലെങ്കില്‍ ഉദ്യോഗസ്ഥരെ വിളിച്ചു വരുത്തുമെന്നും ഹൈക്കോടതി മുന്നറിയിപ്പ് നല്‍കി.
റോഡുകള്‍ നന്നാക്കാന്‍ അമേരിക്കയില്‍ നിന്നും ആളെ കൊണ്ടുവരണോയെന്ന് കോടതി ചോദിച്ചു. തകര്‍ന്ന റോഡുകളുടെ അറ്റക്കുറ്റപ്പണി നടത്താത്തതിനെതിരെ ഹൈക്കോടതി സ്വമേധയാ കേസെടുത്തിരുന്നു. ഈ കേസിലാണ് കര്‍ശന നിര്‍ദേശം നല്‍കിയിരിക്കുന്നത്.
പ്രതികൂല കാലാവസ്ഥ കാരണമാണ് റോഡുകള്‍ നന്നാക്കാന്‍ കഴിയാത്തതെന്ന് കൊച്ചി കോര്‍പ്പറേഷന്‍ മേയര്‍ സൗമിനി ജെയിന്‍ പ്രതികരിച്ചു. രണ്ട് ദിവസമാണ് റോഡുകള്‍ നന്നാക്കാന്‍ ഹൈക്കോടതി നല്‍കിയിരിക്കുന്നത്.
‘ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം