ബോറടി മാറ്റാന് സുഹൃത്തുക്കള്ക്ക് ഒപ്പം ചേര്ന്ന് ട്രക്ക് ഡ്രൈവര് നടത്തിയ ചീട്ടുകളിയെ തുടര്ന്ന് കൊവിഡ് 19 ബാധിച്ചത് 24 പേര്ക്ക്. ആന്ധ്രാപ്രദേശിലെ വിജയവാഡയിലായിരുന്നു സംഭവം. ട്രക്ക് ഡ്രൈവറുടെ അയല്ക്കാര്ക്കും സുഹൃത്തുക്കള്ക്കുമാണ് രോഗം സ്ഥിരീകരിച്ചിരിക്കുന്നതെന്ന് ക്രിഷ്ണ ജില്ലാ കളക്ടര് എ മുഹമ്മദ് ഇംതിയാസ് അറിയിച്ചു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
മറ്റൊരു ട്രക്ക് ഡ്രൈവര് നിയന്ത്രണങ്ങള് തെറ്റിച്ച് ആളുകളുമായി ഇടപഴികിയതിനെ തുടര്ന്ന് വിജയവാഡയിലെ തന്നെ കര്മിക നഗറില് 15 പേര്ക്ക് കൊവിഡ് സ്ഥിരീകരിച്ചതായും കളക്ടര് അറിയിച്ചിട്ടുണ്ട്. ഈ രണ്ട് സംഭവങ്ങളിലുമായി ട്രക്ക് ഡ്രൈവര് ഉള്പ്പടെ 40 പേര്ക്കാണ് രണ്ട് ദിവസത്തിനകം നഗരത്തില് കൊവിഡ് സ്ഥിരീകരിച്ചത്. സാമൂഹിക അകലം പാലിക്കുക എന്ന നിര്ദേശം തെറ്റിച്ചതാണ് രണ്ട് സ്ഥലങ്ങളിലും കൊവിഡ് വ്യാപനത്തിന് കാരണമായതെന്നും കളക്ടര് പറഞ്ഞു.
സംസ്ഥാനത്തെ പ്രധാന ഹോട്ട്സ്പോട്ടായ വിജയവാഡയില് 100ല് അധികം കേസുകള് ഇതിനകം റിപ്പോര്ട്ട് ചെയ്തിട്ടുണ്ട്. 24 മണിക്കൂറില് മാത്രം 25 പുതിയ കേസുകളാണ് റിപ്പോര്ട്ട് ചെയ്തത്. രോഗവ്യാപനം തടയുന്നതിന് ജനങ്ങള് സാമൂഹിക അകലം പാലിക്കണമെന്നും, നിര്ദേശങ്ങള് ലംഘിക്കരുതെന്നും കളക്ടര് ആവശ്യപ്പെട്ടു.