കൊവിഡ് 19 വ്യാപനത്തിന്റെ പശ്ചാത്തലത്തില് പുതിയ 'ദൗത്യ'വുമായി ഐഎസ്ആര്ഒ. വെന്റിലേറ്ററുകളും, ഓക്സിജന് കാനിസ്റ്ററുകളുമുള്പ്പടെ രൂപകല്പ്പന ചെയ്യാനൊരുങ്ങുകയാണ് ഇന്ത്യന് സ്പെയ്സ് റിസര്ച്ച് സെന്ററെന്ന് ഫസ്റ്റ്പോസ്റ്റ് റിപ്പോര്ട്ട് ചെയ്യുന്നു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ഐഎസ്ആര്ഒയുടെ ഭാഗമായ വിക്രം സാരാഭായി സ്പെയ്സ് സെന്ററിലാകും ഇതു സംബന്ധിച്ച പ്രവര്ത്തനങ്ങള് നടക്കുക. ബഹിരാകാശ വാഹനങ്ങളുടെ നിര്മ്മാണവും ഡിസൈനിങും നടക്കുന്ന വിക്രം സാരാഭായ് സ്പെയ്സ് യൂണിറ്റിലാകും എളുപ്പത്തില് പ്രവര്ത്തിപ്പിക്കാവുന്ന വെന്റിലേറ്ററുകളുടെയും ഡിസൈനിങ് നടക്കുകയെന്നാണ് റിപ്പോര്ട്ട്.
നിലവിലുള്ളതില് നിന്നും വ്യത്യസ്തമായ വെന്റിലേറ്ററുകളാണ് ഡിസൈന് ചെയ്യാനൊരുങ്ങുന്നതെന്ന് വിക്രംസാരാഭായ് സ്പെയ്സ് സെന്റര് ഡയറക്ടര് എസ് സോമനാഥ് പറഞ്ഞു. വൈദ്യുതി ഇല്ലെങ്കിലും പ്രവര്ത്തിക്കുന്ന, ലളിതമായി കൈകാര്യം ചെയ്യാന് കഴിയുന്നവയാകും ഇത്. ഡിസൈന് ചെയ്യുന്ന വെന്റിലേറ്ററുകള് മറ്റ് നിര്മ്മാണശാലകളിലായിരിക്കും നിര്മ്മിക്കുകയെന്നും എസ് സോമനാഥ് അറിയിച്ചു.
രാജ്യത്ത് ആയിരത്തിലധികം ആളുകളില് കൊവിഡ് സ്ഥിരീകരിച്ചിട്ടുണ്ട്. സ്ഥിതിഗതികള് ഇനിയും വഷളായാല് കൂടുതല് വെന്റിലേറ്ററുകളുള്പ്പടെ വേണ്ടിവരുമെന്നാണ് ഇന്ത്യന് മെഡിക്കല് റിസര്ച്ച് കൗണ്സില് അറിയിച്ചിരിക്കുന്നത്.