കൊവിഡിനെതിരെ പരീക്ഷണാടിസ്ഥാനത്തില് നല്കുന്ന മരുന്ന് അഞ്ച് സംസ്ഥാനങ്ങളിലേക്ക് അയച്ചു. കൊവിഡ് ബാധ കൂടുതലുള്ള സംസ്ഥാനങ്ങള്ക്കാണ് മരുന്ന് നല്കിയിരിക്കുന്നത്. മഹാരാഷ്ട്ര, ഡല്ഹി, തമിഴ്നാട്, ഗുജറാത്ത്, തെലങ്കാന എന്നീ സംസ്ഥാനങ്ങളിലേക്കാണ് അയച്ചത്. കോവിഫോര് എന്ന പേരിലാണ് മരുന്ന് വിപണിയിലെത്തിക്കുന്നത്.
ഹൈദരാബാദ് ആസ്ഥാനമായുള്ള ഹെറ്റെറോ എന്ന കമ്പനിയാണ് മരുന്ന് സംസ്ഥാനങ്ങളിലേക്ക് അയച്ചിരിക്കുന്നത്. റെംഡെസിവിര് മരുന്നിന്റെ ജനറിക് പതിപ്പ് നിര്മിക്കാനും വിതരണം ചെയ്യാനും അനുമതി ലഭിച്ചിരിക്കുന്നത് ഈ കമ്പനിക്കാണ്. സര്ക്കാര് സംവിധാനങ്ങളിലൂടെയാണ് മരുന്ന് വിതരണം. സ്വകാര്യമെഡിക്കല് ഷോപ്പുകള്ക്ക് നല്കില്ല.
രണ്ടാംഘട്ടത്തില് കേരളം ഉള്പ്പെടെയുള്ള സംസ്ഥാനങ്ങള്ക്ക് മരുന്ന് ലഭിക്കും. തിരുവനന്തപുരം, കൊച്ചി എന്നിവയാണ് പട്ടികയിലുള്ളത്. കൊല്ക്കത്ത, ഇന്ഡോര്, പാട്ന, റാഞ്ചി, ഭുവനേശ്വര്, ഭോപ്പാല്, റാഞ്ചി ഗോവ എന്നിവിടങ്ങളിലേക്കും രണ്ടാംഘട്ടത്തില് മരുന്നുകളയക്കും. 100 മില്ലിംഗ്രാമുള്ള ഒരു കുപ്പിക്ക് 5,400 രൂപയാണ് വില.