Around us

ലോകത്തിന് ഇന്ത്യയിലുള്ള വിശ്വാസം വര്‍ധിച്ചെന്ന് നരേന്ദ്രമോദി

ഇന്ത്യയ്ക്കുമേല്‍ ലോകത്തിനുള്ള വിശ്വാസം കഴിഞ്ഞ കുറച്ചുമാസങ്ങളില്‍ വര്‍ധിച്ചെന്ന അവകാശവാദവുമായി പ്രധാനമന്ത്രി നരേന്ദ്രമോദി. ഇന്ത്യയില്‍ വിദേശ നിക്ഷേപം വര്‍ധിക്കുകയാണെന്നും അദ്ദേഹം അവകാശപ്പെട്ടു. എഫ്‌ഐസിസിഐയുടെ 93ാം വാര്‍ഷിക സമ്മേളനത്തെ അഭിസംബോധന ചെയ്യവെയായിരുന്നു മോദിയുടെ വാദങ്ങള്‍. കൊവിഡ് പ്രതിസന്ധി ഘട്ടത്തില്‍ രാജ്യം പഠിച്ച കാര്യങ്ങള്‍ ഭാവിയെക്കുറിച്ച്‌ സംബന്ധിക്കുന്ന തീരുമാനങ്ങളെ കൂടുതല്‍ കരുത്തുറ്റതാക്കിയെന്ന് നരേന്ദ്രമോദി പറയുന്നു.

2020 ല്‍ നിരവധി മാറ്റങ്ങളുണ്ടായി. ഈ വര്‍ഷം എല്ലാവരെയും അമ്പരപ്പിച്ചു. രാജ്യവും ലോകവും ഉയര്‍ച്ചതാഴ്ചകള്‍ കണ്ടു. കാര്യങ്ങള്‍ വഷളായതിനേക്കാള്‍ വേഗത്തില്‍ മെച്ചപ്പെട്ടുവരികയാണ്. മഹാമാരി ആരംഭിച്ചപ്പോള്‍ നാം അജ്ഞാത ശത്രുവിനോടാണ് പോരാടിയത്. ഉല്‍പ്പാദനവും സമ്പദ് ഘടനയുടെ പുനരുജ്ജീവനവും സംബന്ധിച്ച് അനിശ്ചിതത്വങ്ങളുണ്ടായിരുന്നു.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

എത്രകാലം ഇങ്ങനെ മുന്നോട്ടുപോകാനാകുമെന്നും കാര്യങ്ങള്‍ എങ്ങനെ മെച്ചപ്പെടുത്തുമെന്നുമുള്ളതായിരുന്നു പ്രതിസന്ധി. എന്നാല്‍ ഡിസംബറോടെ സാഹചര്യങ്ങള്‍ മാറി. നമ്മുടെ കയ്യില്‍ ഉത്തരമുണ്ട്. പദ്ധതികളുണ്ട്. നിലവിലെ സാമ്പത്തിക സൂചികകള്‍ പ്രോത്സാഹനജനകമാണ്. കഴിഞ്ഞ ആറുവര്‍ഷമായി ഇന്ത്യയെക്കുറിച്ച് ലോകത്തിനുണ്ടായിരുന്ന വിശ്വാസം കഴിഞ്ഞ കുറച്ചുമാസങ്ങളില്‍ കുറേക്കൂടി ശക്തിപ്പെട്ടു. വിദേശ നിക്ഷേപകര്‍ ഇന്ത്യയില്‍ റെക്കോഡ് നിക്ഷേപമാണ് നടത്തിയത്. അത് തുടരുന്നു. ആത്മനിര്‍ഭര്‍ അഭിയാന്‍ എല്ലാ മേഖലകളിലും കാര്യക്ഷമത വര്‍ധിപ്പിച്ചെന്നും പ്രധാനമന്ത്രി അവകാശപ്പെട്ടു.

World's Confidence in India Strengthened, Says PM NarendraModi

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT