വാളയാര് പീഡന കേസ് അട്ടിമറിച്ച പൊലീസ് ഉദ്യോഗസ്ഥര്ക്കെതിരെ സര്ക്കാര് നടപടിയെടുത്തില്ലെന്ന് ആരോപിച്ച് പെണ്കുട്ടികളുടെ അമ്മ തലമുണ്ഡനം ചെയ്തു. സര്ക്കാരില് നിന്നും നീതി ലഭിച്ചില്ലെന്ന് പെണ്കുട്ടികളുടെ അമ്മ ആരോപിച്ചു. സംസ്ഥാനമൊട്ടാകെ സര്ക്കാരിനെതിരെ പ്രചാരണം നടത്തും.
പാലക്കാട് സമരപന്തലില് വച്ചായിരുന്നു പ്രതിഷേധം. ഡി.എച്ച്.ആര്.എം നേതാവ് സെലീന പ്രക്കാനം, ബിന്ദു കമലന് എന്നിവരും പ്രതിഷേധത്തിന്റെ ഭാഗമായി.
പെണ്കുട്ടികളുടെ അമ്മയ്ക്ക് പിന്തുണയുമായി കൂടുതല് പേര് തലമുണ്ഡനം ചെയ്യും. മാര്ച്ച് നാലിന് കൊച്ചിയില് നൂറുപേര് തലമുണ്ഡനം ചെയ്ത് പ്രതിഷേധിക്കും.