സംസ്ഥാനത്തെ തൊഴില് രഹിതരുടെ എണ്ണം ദേശീയ ശരാശരിയേക്കാളും ഏറെ കൂടുതല്. മൂന്നേകാല് കോടി ജനസംഖ്യയുള്ള സംസ്ഥാനത്ത് ജോലിയില്ലാത്ത 36 ലക്ഷത്തിലേറെ പേരുണ്ടെന്ന് തൊഴില് മന്ത്രി ടി പി രാമകൃഷ്ണന് നിയമസഭയില് വെളിപ്പെടുത്തി. കോണ്ഗ്രസ് എംഎല്എ വി എസ് ശിവകുമാറിന്റെ ചോദ്യത്തിന് മറുപടിയായാണ് തൊഴില് മന്ത്രി കണക്കുകള് രേഖാമൂലം അറിയിച്ചത്.
6.1 ശതമാനമാണ് തൊഴിലില്ലായ്മയുടെ ദേശീയ ശരാശരി. കേരളത്തിലേത് 9.53 ശതമാനം.
സംസ്ഥാനത്ത് തൊഴിലില്ലാത്തവരായി 36,25,852 പേരുണ്ടെന്നാണ് കൃത്യമായ കണക്ക്. 23,00139 പേര് യുവതികളും 13,25,713 യുവാക്കളും. 3,31,192 ബിരുദധാരികള് തൊഴിലില്ലാതെ കേരളത്തില് കഴിയുന്നു. ജോലിയില്ലാത്ത ബിരുദാനന്തര ബിരുദധാരികളുടെ എണ്ണം 94,590 വരും. തൊഴിലില്ലാത്തവരില് 1,43,453 പേര് പ്രൊഫഷണല് ബിരുദധാരികളാണ്.
ഡോക്ടര്മാര് - 7303
എന്ജിനീയര്മാര് - 44,559
നഴ്സുമാര് - 12,006
എംബിഎ - 6,413
എംസിഎ - 3,771
തൊഴിലില്ലാത്ത ബിരുദധാരികള് - 3,31,192
ബിരുദാനന്തര ബിരുദധാരികള് - 94,590
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം