സംസ്ഥാനത്ത് വിദ്യാഭ്യാസ സ്ഥാപനങ്ങള് തുറക്കുന്നു. എസ്.എസ്.എല്.സി പരീക്ഷയും ഹയര് സെക്കന്ഡറി, വൊക്കേഷണല് ഹയര് സെക്കന്ഡറി രണ്ടാം വര്ഷ പരീക്ഷകളും മാര്ച്ച് 17 മുതല് 30 വരെ നടത്താന് തീരുമാനിച്ചു. കൊവിഡ് മാനദണ്ഡങ്ങള് പാലിച്ചാകും പരീക്ഷകള്. കോളേജ് തലത്തില് അവസാന വര്ഷ ബിരുദ ക്ലാസുകളും പി.ജി ക്ലാസുകളും ജനുവരി ആദ്യം മുതല് ആരംഭിക്കും.
പകുതി വീതം വിദ്യാര്ത്ഥികളെ വെച്ചായിരിക്കും ക്ലാസ് നടത്തുക. ആവശ്യമെങ്കില് കാലത്തും ഉച്ചയ്ക്കുശേഷവുമായി ഷിഫ്റ്റ് അടിസ്ഥാനത്തില് ക്ലാസുകള് ക്രമീകരിക്കും. പത്ത്, പന്ത്രണ്ട് ക്ലാസുകളിലെ പൊതുപരീക്ഷയ്ക്കുള്ള ക്രമീകരണങ്ങള് വിദ്യഭ്യാസ വകുപ്പ് ഉടനെ നടത്തും. പ്രാക്ടിക്കല് പരീക്ഷയ്ക്ക് തയ്യാറെടുക്കുന്നതിനായുള്ള ക്ലാസുകള് ജനുവരി ഒന്നു മുതല് ആരംഭിക്കാനും മുഖ്യമന്ത്രിയുടെ അധ്യക്ഷതയില് ചേര്ന്ന ഉന്നതതല യോഗത്തില് തീരുമാനമായി.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ജൂണ് മുതല് ആരംഭിച്ച ഓണ്ലൈന് ക്ലാസുകളുടെ റിവിഷനും സംശയദുരീകരണവും ജനുവരി ഒന്ന് മുതല് സ്കൂള് തലത്തില് നടത്തുന്നതിനും ക്രമീകരണമുണ്ടാകും. മാതൃകാ പരീക്ഷകളും വിദ്യാര്ത്ഥികളുടെ മാനസിക സംഘര്ഷം ഒഴിവാക്കുന്നതിനുള്ള കൗണ്സലിങുമുണ്ടാകും. ഇതിനായി 10,12 ക്ലാസുകളിലെ വിദ്യാര്ത്ഥികള്ക്ക് രക്ഷകര്ത്താക്കളുടെ സമ്മതത്തോടെ സ്കൂളില് പോകാം.