സോളാര്‍ പീഡനക്കേസ് സി.ബി.ഐക്ക് വിട്ടു. ആറ് കേസുകളാണ് സി.ബി.ഐക്ക് വിടാന്‍ സംസ്ഥാന സര്‍ക്കാര്‍ തീരുമാനിച്ചത്. വിജ്ഞാപനം ഉടന്‍ ഇറക്കും.മുന്‍മുഖ്യമന്ത്രി ഉമ്മന്‍ചാണ്ടി, കെ.സി വേണുഗോപാല്‍,അടൂര്‍ പ്രകാശ്, ഹൈബി ഈഡന്‍, എ.പി അനില്‍ കുമാര്‍, ബി.ജെ.പി നേതാവ് അബ്ദുള്ളക്കുട്ടി എന്നിവര്‍ക്കെതിരെയാണ് പരാതി.

സോളാര്‍ പീഡനകേസ് സി.ബി.ഐക്ക് വിടണമെന്ന് പരാതിക്കാരി മുഖ്യമന്ത്രി പിണറായി വിജയന് കത്ത് നല്‍കിയിരുന്നു. ഈ മാസം 12നാണ് മുഖ്യമന്ത്രിക്ക് പരാതി ലഭിച്ചത്. ആറു കേസുകള്‍ പ്രത്യേക സംഘം അന്വേഷിക്കുകയായിരുന്നു.

തിരുവനന്തപുരത്തെ എം.ല്‍.എ ഹോസ്റ്റലിലും ഔദ്യോഗിക വസതിയിലും ഹോട്ടല്‍ മുറിയിലും വച്ച് പീഡിപ്പിച്ചെന്നാണ് പരാതി. 2018ല്‍ ഉമ്മന്‍ചാണ്ടി, കെ.സി വേണുഗോപാല്‍, ഹൈബി എന്നിവര്‍ക്കെതിരെ കേസെടുത്തിരുന്നു.