ക്രിസ്തുമസ് ആഘോഷത്തിനിടെ അമിത വേഗത്തില്‍ ഓടിച്ച കാര്‍ ഇടിച്ച് വിദ്യാര്‍ത്ഥിനിക്ക് പരിക്ക്. വര്‍ക്കല എസ്.എന്‍ കോളേജിലാണ് സംഭവം.
കോളേജിലെ വിദ്യാര്‍ത്ഥി റോഡില്‍ അമിത വേഗത്തില്‍ കാറോടിച്ചതാണ് അപകടത്തിന് കാരണമായതെന്നാണ് റിപ്പോര്‍ട്ട്. വ്യാഴാഴ്ച രാവിലെ പത്തുമണിയോടെയാണ് സംഭവം.
അപകടരമായ രീതിയില്‍ വിദ്യാര്‍ത്ഥി ഓടിച്ച കാര്‍ അഞ്ച് വാഹനങ്ങളിലും ചെന്ന് തട്ടി. നിര്‍ത്തിയിട്ടിരിക്കുന്ന ഓട്ടോറിക്ഷയിലും നാല് ഇരുചക്രവാഹനങ്ങളിലുമാണ് ഇടിച്ചത്.
പരിക്കേറ്റ വിദ്യാര്‍ത്ഥിനിയുടെ പരിക്ക് ഗുരുതരമല്ല. ഓട്ടോറിക്ഷയില്‍ ഉണ്ടായിരുന്ന ഡ്രൈവര്‍ക്ക് നിസാര പരിക്കേറ്റിട്ടുണ്ട്.
വിദ്യാര്‍ത്ഥിനിയെ വര്‍ക്കലയിലെ ആശുപത്രിയിലേക്ക് മാറ്റി. കാറില്‍ ഉണ്ടായിരുന്ന രണ്ട് പേരെയും പൊലീസ് കസ്റ്റഡിയില്‍ എടുത്തു.
മോട്ടോര്‍ വാഹന വകുപ്പും കാറില്‍ ഉണ്ടായിരുന്ന വിദ്യാര്‍ഥികള്‍ക്ക് എതിരെ കേസെടുക്കുമെന്നാണ് റിപ്പോര്‍ട്ട്.