മദ്യപിച്ച് വാഹനമോടിക്കുന്നവരെ കണ്ടെത്താന് ബ്രീത്ത് അനലൈസര് ഉപയോഗിച്ച് നടത്തുന്ന പരിശോധന തല്കാലം നിര്ത്തിവെയ്ക്കാന് സംസ്ഥാന പൊലീസ് മേധാവി ലോക്നാഥ് ബെഹ്റയുടെ നിര്ദേശം. സംസ്ഥാനത്ത് മൂന്നുപേരില് കൊറോണ വൈറസ് ബാധ സ്ഥിരീകരിച്ച പശ്ചാത്തലത്തിലാണ് തീരുമാനം.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
മദ്യപിച്ചാണ് വാഹനമോടിക്കുന്നതെന്ന് സംശയം തോന്നിയാല് അത്തരം ആളുകളെ മെഡിക്കല് പരിശോധനയ്ക്ക് വിധേയരാക്കി നിയമപ്രകാരമുള്ള നടപടി സ്വീകരിക്കാനും നിര്ദേശം നല്കിയിട്ടുണ്ട്. കൊറോണ വൈറസ് ബാധയെ കുറിച്ച് സാമൂഹിക മാധ്യമങ്ങളില് വ്യാജവാര്ത്ത പോസ്റ്റ് ചെയ്യുകയും പ്രചരിപ്പിക്കുകയും ചെയ്യുന്നവര്ക്കെതിരെ നടപടി എടുക്കാനും സംസ്ഥാന പൊലീസ് മേധാവിയുടെ നിര്ദേശമുണ്ട്.
സംസ്ഥാനത്ത് വീടുകളിലും ആശുപത്രികളിലുമായി 2421 പേരാണ് നിരീക്ഷണത്തില് കഴിയുന്നത്. രോഗം സ്ഥിരീകരിച്ചവരുടെയും ആശുപത്രിയില് കഴിയുന്നവരുടെയും ആരോഗ്യനിലയില് ആശങ്ക വേണ്ട കാര്യമില്ലെന്ന് ആരോഗ്യമന്ത്രി വ്യക്തമാക്കിയിരുന്നു.