ആഢംബരകപ്പലിലെ ലഹരിമരുന്ന് കേസുമായി ബന്ധപ്പെട്ട് ആര്യന് ഖാന് അറസ്റ്റിലായതിന് പിന്നാലെ കോണ്ഗ്രസ് നേതാവ് രാഹുല് ഗാന്ധി ഷാരൂഖ് ഖാന് എഴുതിയ കത്തിലെ വിവരങ്ങള് പുറത്ത്. രാജ്യം ഷാരൂഖിനും കുടുംബത്തിനുമൊപ്പം ഉണ്ടെന്നാണ് ഒക്ടോബര് 14ന് രാഹുല് ഗാന്ധി എഴുതിയ കത്തില് പറയുന്നത്.
'ഒരുകുട്ടിയും ഇത്തരത്തിലുള്ള പരിചരണം അര്ഹിക്കുന്നില്ല. ജനങ്ങള്ക്ക് വേണ്ടി നിങ്ങള് ചെയ്ത നല്ലകാര്യങ്ങള് ഞാന് കണ്ടിട്ടുണ്ട്. അവരുടെ അനുഗ്രഹവും, പ്രാര്ത്ഥനയും നിങ്ങള്ക്കൊപ്പമുണ്ടാകുമെന്ന് എനിക്ക് ഉറപ്പുണ്ട്. ഇത്രയേറെ പ്രതിസന്ധി നിറഞ്ഞ ഘട്ടത്തിലൂടെ കടന്ന് പോകേണ്ടിവന്നതില് ക്ഷമിക്കണം', കത്തില് രാഹുല് ഗാന്ധി പറയുന്നു. എത്രയും പെട്ടെന്ന് കുടുംബം ഒന്നാകട്ടെയെന്നും അദ്ദേഹം ആശംസിക്കുന്നുണ്ട്.
ഒക്ടോബര് മൂന്നിനായിരുന്നു നാര്ക്കോട്ടിക്സ് കണ്ട്രോള് ബ്യൂറോ ആര്യന് ഖാനെ അറസ്റ്റ് ചെയ്തത്. തുടര്ന്ന് മുംബൈയിലെ ആര്തര് റോഡ് ജയിലിലേക്ക് മാറ്റുകയായിരുന്നു. ഒക്ടോബര് 28നാണ് ബോംബെ ഹൈക്കോടതി ആര്യന് ജാമ്യം അനുവദിച്ചത്.