രാജ്യത്ത് തുടര്ച്ചയായ ദിവസങ്ങളിലുണ്ടായ പെട്രോള് ഡീസല് വില വര്ധനവിന്റെയും, കൊവിഡ് കേസുകള് വര്ധിക്കുന്നതിന്റെയും പശ്ചാത്തലത്തില് നരേന്ദ്രമോദി സര്ക്കാരിനെതിരെ വിമര്ശനവുമായി കോണ്ഗ്രസ് നേതാവ് രാഹുല് ഗാന്ധി. മോദി സര്ക്കാര് അണ്ലോക്ക് ചെയ്തത് കൊറോണ മഹാമാരിയെയും പെട്രോള് ഡീസല് വിലയെയുമാണെന്ന് രാഹുല് ഗാന്ധി ട്വീറ്റില് പരിഹസിക്കുന്നു.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
രാജ്യത്തെ കൊവിഡ് വ്യാപനും, പെട്രോള് ഡീസല് വില വര്ധനവും വ്യക്തമാക്കുന്ന ഗ്രാഫും രാഹുല് ഗാന്ധി പങ്കുവെച്ചിട്ടുണ്ട്. മെയ് അവസാനം മുതലുള്ള കണക്കാണ് ഗ്രാഫില് കാണിച്ചിരിക്കുന്നത്.
രാജ്യത്ത് കൊവിഡ് സ്ഥിരീകരിച്ചവരുടെ എണ്ണം നാലര ലക്ഷം കടന്നിരിക്കുകയാണ്. കഴിഞ്ഞ 24 മണിക്കൂറിനിടെ മാത്രം 15,968 പുതിയ കേസുകളായിരുന്നു റിപ്പോര്ട്ട് ചെയ്തത്. ലോക്ക് ഡൗണ് നിയന്ത്രണങ്ങളില് ഇളവ് വന്നതിന് പിന്നാലെ പെട്രോള് ഡീസല് വില തുടര്ച്ചയായ ദിവസങ്ങളില് വര്ധിക്കുകയായിരുന്നു.