ഇന്ത്യ-ഓസ്‌ട്രേലിയ ഏകദിന മത്സരത്തിനിടെ അദാനിക്കെതിരെ പ്രതിഷേധം. നോ1ബില്യണ്‍ ഡോളര്‍ അദാനി ലോണ്‍ എന്ന പ്ലക്കാര്‍ഡുമായിട്ടായിരുന്നു പ്രതിഷേധം. ഓസ്‌ട്രേലിയയിലെ ഖനി കമ്പനിക്ക് 5000 കോടി രൂപയുടെ ലോണ്‍ അനുവദിക്കാനുള്ള എസ്.ബി.ഐയുടെ തീരുമാനത്തിനെതിരെയാണ് പ്രതിഷേധം.

ഇന്ത്യ-ഓസ്‌ട്രേലിയ ഏകദിന മത്സരം തുടങ്ങി കുറച്ച് സമയത്തിനകം രണ്ട് പ്രതിഷേധക്കാര്‍ ഗ്രൗണ്ടിലിറങ്ങുകയായിരുന്നു. അദാനി ഗ്രൂപ്പിന് വേണ്ടിയുള്ള കല്‍ക്കരി ഖനനം രാജ്യത്തെ മലിനമാക്കുമെന്നാണ് പ്രതിഷേധക്കാര്‍ പറയുന്നത്. ഗ്രൗണ്ടിന് പുറത്തും പ്രതിഷേധമുണ്ടായിരുന്നു.

സ്റ്റോപ് അദാനി ഹാഷ് ടാഗോടെ നിരവധി പേരാണ് ട്വീറ്റ് ചെയ്യുന്നത്. അദാനിക്ക് വേണ്ടിയുള്ള ഖനിപദ്ധതിക്കെതിരെ ശക്തമായി പ്രതിഷേധമാണ് ഉയരുന്നത്.