ലോക്‌സഭയിലുെ രാജ്യസഭയിലുമായി 100 എം.പിമാരെ തികയ്ക്കാന്‍ കോണ്‍ഗ്രസിന് ഇതുവരെ കഴിഞ്ഞില്ലെന്ന് പരിഹസിച്ച് പ്രധാനമന്ത്രി നരേന്ദ്രമോദി. പ്രസംഗിക്കുന്നതൊന്നും കോണ്‍ഗ്രസ് നടപ്പാക്കുന്നില്ല. പാര്‍ലമെന്റില്‍ ഇപ്പോഴും നൂറില്‍ താഴെ അംഗങ്ങള്‍ മാത്രമായി തുടരുന്നത് അതുകൊണ്ടാണെന്നും പ്രധാനമന്ത്രി നരേന്ദ്രമോദി പറഞ്ഞു.

ബീഹാര്‍ തെരഞ്ഞെടുപ്പ് പ്രചരണ റാലിയില്‍ സംസാരിക്കുന്നതിനിടെയാണ് നരേന്ദ്രമോദി കോണ്‍ഗ്രസിനെ പരിഹസിച്ചത്. തിങ്കളാഴ്ച ഒമ്പത് ബി.ജെ.പി അംഗങ്ങള്‍ രാജ്യസഭയിലേക്ക് തിരഞ്ഞെടുക്കപ്പെട്ടിരുന്നു. ഇതോടെ ആദ്യമായി എന്‍.ഡി.എ രാജ്യസഭയില്‍ 100 അംഗങ്ങളെ തികച്ചു.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

രാജ്യസഭയില്‍ എന്‍.ഡി.എയുടെ അംഗബലം 104 ആണ്. ഭൂരിപക്ഷത്തിന് വേണ്ടത് 124 ആണ്. എ.ഐ.എ.ഡി.എം.കെ, ബി.ജെ.ഡി, ടി.ആര്‍.എസ്, വൈ.എസ്.ആര്‍ കോണ്‍ഗ്രസ് എന്നീ കക്ഷികളുടെ പിന്തുണയോടെ ഭൂരിപക്ഷം ഉറപ്പിക്കാനാകുമെന്ന ആത്മവിശ്വാസത്തിലാണ് ബി.ജെ.പി. കോണ്‍ഗ്രസിന് 38 എം.പിമാരാണ് രാജ്യസഭയിലുള്ളത്. ഇരുസഭകളിലുമായി 89 അംഗങ്ങള്‍ മാത്രമാണ് കോണ്‍ഗ്രസിനുള്ളത്.

Prime Minister Narendra Modi mocked Congress's Parliament Tally

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം