Around us

പോപ്പുലര്‍ ഫ്രണ്ട് വീടും ജോലിയും സാമ്പത്തികസഹായവും നല്‍കാമെന്ന് പറഞ്ഞു, ഇസ്ലാമിലേക്ക് മാറിയതിനെക്കുറിച്ച് ചിത്രലേഖ

പോപ്പുലര്‍ ഫ്രണ്ട്-എസ്.ഡി.പി.ഐ നേതൃത്വം വീടും ജോലിയും വാഗ്ദാനം ചെയ്തതിന് പിന്നാലെയാണ് ഇസ്ലാം മതം സ്വീകരിച്ചതെന്ന് കണ്ണൂരിലെ ദളിത് ഓട്ടോ ഡ്രൈവര്‍ ചിത്രലേഖ. സിപിഐഎമ്മില്‍ നിന്ന് നിരന്തരം ആക്രമണം നേരിടേണ്ടി വരുന്നതും ജാതിവിവേചനവും കാരണമാണ് ഇസ്ലാം മതം സ്വീകരിക്കുന്നതെന്ന് ചിത്രലേഖ നേരത്തെ വെളിപ്പെടുത്തിയിരുന്നു. മതം മാറാനുള്ള തീരുമാനത്തിന് പിന്നാലെ ഇന്റലിജന്‍സില്‍ നിന്ന് ഫോണ്‍ കോളുകള്‍ വന്നതായി
ചിത്രലേഖ കഴിഞ്ഞ ദിവസം പറഞ്ഞിരുന്നു. ഏഷ്യാനെറ്റ് ന്യൂസിനോടാണ് ചിത്രലേഖയുടെ പ്രതികരണം. പോപ്പുലര്‍ ഫ്രണ്ട് വീടും ജോലിയും വാഗ്ദാനം ചെയ്‌തെന്ന ഭാഗം ഏഷ്യാനെറ്റ് രഹസ്യക്യാമറയില്‍ പകര്‍ത്തിയാണ് റിപ്പോര്‍ട്ട് ചെയ്തിരിക്കുന്നത്.

വീടും ജോലിയും അത്യാവശ്യം സാമ്പത്തികസഹായവും ചെയ്ത് തരാമെന്ന് അവര്‍ പറഞ്ഞു. മാറിക്കഴിഞ്ഞ് അത് ഇല്ലെന്ന് പറഞ്ഞാല്‍ ഒന്നുമില്ലാത്ത അവസ്ഥയുണ്ടാകുമെന്ന് പോപ്പുലര്‍ ഫ്രണ്ട് നേതൃത്വത്തോട് പറഞ്ഞതായും ചിത്രലേഖയുടെ പ്രതികരണത്തിലുണ്ട്. ചിത്രലേഖയുമായുള്ള അഭിമുഖത്തിന് ശേഷമുള്ള ഓഫ് ദ റെക്കോര്‍ഡ് ഭാഗങ്ങളിലാണ് പോപ്പുലര്‍ ഫ്രണ്ടിനെതിരെയുള്ള പരാമര്‍ശമുള്ളത്.

രാഷ്ട്രീയവും സാമ്പത്തികവുമായ സുരക്ഷിതത്വം ഉറപ്പുനല്‍കിയതിനാലാണ് ചിത്രലേഖ ഇസ്ലാം മതം സ്വീകരിച്ചതെന്ന വാദം പോപ്പുലര്‍ ഫ്രണ്ട് നിഷേധിച്ചിട്ടുണ്ട്.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT