കൊച്ചിയില് യുവനടിയെ അപമാനിച്ച സംഭവത്തില് സി.സി.ടി.വി ദൃശ്യങ്ങള് പരിശോധിച്ച് പൊലീസ്. സംഭവം നടന്ന മാളിലെത്തി കളമശേരി പൊലീസ് സി.സി.ടി.വി ദൃശ്യങ്ങള് ശേഖരിച്ചു. സംഭവത്തില് നടിയുടെ മൊഴിയെടുക്കുമെന്നും വിവരമുണ്ട്. ഷൂട്ടിങ് തിരക്കിലായതിനാല് മാസം 22ന് ശേഷമാകും നടിയുടെ മൊഴിയെടുക്കുക.
കൊച്ചിയിലെ പ്രമുഖ ഷോപ്പിങ് മാളില് വെച്ച് രണ്ട് യുവാക്കളില് നിന്ന് തനിക്ക് നേരിടേണ്ടി വന്ന മോശം അനുഭവം സോഷ്യല് മീഡിയയിലൂടെയായിരുന്നു യുവനടി വെളിപ്പെടുത്തിയത്. സംഭവത്തെ കുറിച്ച് അന്വേഷണം നടക്കുകയാണെന്ന് പൊലീസ് ദ ക്യുവിനോട് പറഞ്ഞിരുന്നു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കുടുംബത്തോടൊപ്പം ഷോപ്പിംഗിനെത്തിയപ്പോള് ആയിരുന്നു നടിക്ക് നേരെ മോശം പെരുമാറ്റമുണ്ടായത്. പിന്നാലെയെത്തിയ രണ്ട് യുവാക്കള് ശരീരത്തില് സ്പര്ശിച്ച ശേഷം കടന്നുകളഞ്ഞതായും പിന്നീട് ഹൈപ്പര് മാര്ക്കറ്റിലെത്തിയപ്പോള് പിന്തുടര്ന്ന് അപമാനിക്കാന് ശ്രമിച്ചെന്നും യുവനായിക സോഷ്യല് മീഡിയയിലൂടെ വെളിപ്പെടുത്തിയിരുന്നു.