പുരാവസ്തു തട്ടിപ്പ് കേസില് അറസ്റ്റിലായ മോന്സണ് മാവുങ്കലിനെതിരെ പോക്സോ കേസ്. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചെന്ന പരാതിയിലാണ് കേസെടുത്തത്. തുടര് വിദ്യാഭ്യാസം വാഗ്ദാനം ചെയ്ത് വീട്ടുജോലിക്കാരിയുടെ മകളെ പീഡിപ്പിച്ചെന്നാണ് പരാതി.
2019ല് മോന്സണ് മാവുങ്കലിന്റെ കലൂരിലെ വീട്ടില്വച്ചും മറ്റൊരു വീട്ടില് വെച്ചും പീഡനം നടന്നുവെന്നും, പെണ്കുട്ടിക്ക് 17 വയസുള്ളപ്പോഴായിരുന്നു പീഡനമെന്നും പരാതിയില് പറയുന്നു.
മോന്സനെതിരെ ഇത്രയും കാലം ഭയം കൊണ്ടാണ് പരാതിപ്പെടാതിരുന്നതെന്നാണ് പെണ്കുട്ടിയുടെ അമ്മ നല്കിയിരിക്കുന്ന മൊഴി. എറണാകുളം നോര്ത്ത് പൊലീസാണ് കേസ് രജിസ്റ്റര് ചെയ്തിരിക്കുന്നത്. കേസ് ക്രൈബ്രാഞ്ചിന് കൈമാറിയേക്കും.