പ്രധാനമന്ത്രി നരേന്ദ്രമോദി ഇന്ന് 10 മണിക്ക് രാജ്യത്തെ അഭിസംബോധന ചെയ്യും. പ്രധാനമന്ത്രിയുടെ ഓഫീസാണ് ഇക്കാര്യം അറിയിച്ചത്. കൊവിഡ് വാക്‌സിനേഷന്‍ 100 കോടി ഡോസെന്ന ചരിത്ര നേട്ടം കൈവരിച്ചതിന് പിന്നാലെയാണ് മോദി രാജ്യത്തെ അഭിസംബോധന ചെയ്യാനൊരുങ്ങുന്നത്.

ഏത് വിഷയത്തിലാകും പ്രധാനമന്ത്രി സംസാരിക്കുക എന്നത് ഔദ്യോഗികമായി അറിയിച്ചിട്ടില്ല. പ്രധാനമന്ത്രി നരേന്ദ്രമോദി ഇന്ന് 10 മണിക്ക് രാജ്യത്തെ അഭിസംബോധന ചെയ്യും എന്ന് മാത്രമായിരുന്നു പ്രധാനമന്ത്രിയുടെ ഓഫീസ് പങ്കുവെച്ച ട്വീറ്റില്‍ ഉണ്ടായിരുന്നത്.

വ്യാഴാഴ്ചയായിരുന്നു 100 കോടി വാക്‌സിന്‍ ഡോസുകള്‍ എന്ന നേട്ടം ഇന്ത്യ കൈവരിച്ചത്. ചൈനക്ക് പിന്നാലെ ഈ നേട്ടം സ്വന്തമാക്കുന്ന രണ്ടാമത്തെ രാജ്യമാണ് ഇന്ത്യ. രാജ്യത്തെ ശാസ്ത്ര, സംരംഭക രംഗങ്ങളുടെയും 130 കോടി ജനങ്ങളുടെയും മഹാവിജയമാണിതെന്നായിരുന്നു പ്രധാനമന്ത്രി കഴിഞ്ഞ ദിവസം പ്രതികരിച്ചത്. വാക്‌സിന്‍ നിര്‍മാണ കമ്പനികളുടെയും രാജ്യത്തിന്റെ വിവിധ ഭാഗങ്ങളില്‍ വാക്‌സിന്‍ എത്തിച്ചവരുടെയും സേവനം മറക്കാനാകില്ലെന്നും പ്രധാനമന്ത്രി പറഞ്ഞിരുന്നു.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം