അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പില്‍ കോണ്‍ഗ്രസ് കനത്ത തിരിച്ചടി നേരിട്ടതിന് പിന്നാലെ പൊതു പരിപാടിയില്‍ കോണ്‍ഗ്രസ് നേതാവ് രമേശ് ചെന്നിത്തലയെ പരിഹസിച്ച് മുഖ്യമന്ത്രി പിണറായി വിജയന്‍.
'അദ്ദേഹത്തിനിന്ന് ദുര്‍ദിനമാണ്' എന്നാണ് മുഖ്യമന്ത്രി പറഞ്ഞത്. ചെന്നിത്തല അടുത്ത് ഇരിക്കുമ്പോഴാണ് മുഖ്യമന്ത്രിയുടെ പരാമര്‍ശം.
മുഖ്യമന്ത്രി പറഞ്ഞത്
എന്റെ കണക്കുകൂട്ടല്‍ പ്രകാരം അദ്ദേഹത്തിന് ഇന്ന് ചെറിയ തോതിലുള്ള ദുര്‍ദിനം കൂടിയാണ്. അത് വേറൊരു കാര്യമാണ്. ആ കാര്യം നമ്മള്‍ ഇപ്പോള്‍ പരാമര്‍ശിക്കേണ്ടതില്ല, നല്ലൊരു സന്തോഷം ആ വിഷമഘട്ടത്തിലും അദ്ദേഹത്തിന് വന്നു എന്നത് നമുക്കെല്ലാം സന്തോഷമുള്ള കാര്യമാണ്
രമേശ് ചെന്നിത്തലയുടെ പദ്ധതിയായ വലിയഴീക്കല്‍ പാലം ഉദ്ഘാടന വേളയിലാണ് മുഖ്യമന്ത്രിയുടെ പരാമര്‍ശം. സ്വാഗത പ്രസംഗത്തില്‍ പാലം തുറന്ന ഈ ദിനം ജീവിതത്തിലെ ഏറ്റവും സന്തോഷമുള്ള ദിനമെന്ന് ചെന്നിത്തല പറഞ്ഞിരുന്നു.