രാഷ്ട്രപിതാവിനെ വധിച്ചവര് തന്നെ അദ്ദേഹത്തെ സ്വന്തമാക്കാന് ശ്രമിക്കുകയാണെന്ന് മുഖ്യമന്ത്രി പിണറായി വിജയന്. എല്ലാ വിഭാഗം ജനങ്ങളേയും ഒന്നായി കാണാനുള്ള വിശാലമായ കാഴ്ചപ്പാട് ഉയര്ത്തിപ്പിടിച്ചായിരുന്നു ഗാന്ധിജിയുടെ ഓരോ ചുവടുവെപ്പും. എന്നാല് രാജ്യത്തെ ഇന്ന് ഗാന്ധിയില് നിന്നും പുറകോട്ട് നടത്താനാണ് ചിലര് ശ്രമിക്കുന്നതെന്നും മുഖ്യമന്ത്രി ചൂണ്ടിക്കാട്ടി. ഗാന്ധിജിയുടെ 150-ാം ജന്മദിനത്തില് ഫേസ്ബുക്കിലെഴുതിയ കുറിപ്പിലൂടെയാണ് പിണറായിയുടെ പ്രതികരണം.
ഗാന്ധി ഘാതകര് തന്നെ ഗാന്ധിജിയെ സ്വന്തമാക്കാന് ശ്രമിക്കുന്നു. ഗാന്ധിജിയുടെ വാചകങ്ങളെ ഇവര് തങ്ങള്ക്ക് അനുകൂലമായി വ്യാഖ്യാനിക്കാന് ശ്രമിക്കുന്നു . ഈ സാഹചര്യത്തില് ഇത്തവണത്തെ ഗാന്ധി ജയന്തി ദിനാഘോഷങ്ങള്ക്ക് പ്രസക്തി വര്ധിക്കുന്നു.മുഖ്യമന്ത്രി
മുഖ്യമന്ത്രിയുടെ പ്രതികരണം
നമ്മുടെ രാഷ്ട്രപിതാവായ മഹാത്മാഗാന്ധിയുടെ നൂറ്റി അമ്പതാം ജന്മവാര്ഷികമാണിന്ന്. സ്വന്തം ജീവിതം തന്നെ ലോകത്തിനുള്ള സന്ദേശമാക്കിയ നേതാവ്. ഗാന്ധിജി ഉയര്ത്തിപ്പിടിച്ച മ്യൂല്യങ്ങള് നൂറ്റാണ്ട് പിന്നിടുമ്പോഴും ഒളിമങ്ങാതെ തിളങ്ങി നില്ക്കുന്നു. എല്ലാ വിഭാഗം ജനങ്ങളേയും ഒന്നായി കാണാനുള്ള വിശാലമായ കാഴ്ചപ്പാട് ഉയര്ത്തിപ്പിടിച്ചായിരുന്നു ഗാന്ധിജിയുടെ ഓരോ ചുവടുവെപ്പും. എന്നാല് രാജ്യത്തെ ഇന്ന് ഗാന്ധിയില് നിന്നും പുറകോട്ട് നടത്താനാണ് ചിലര് ശ്രമിക്കുന്നത്. ഗാന്ധി ഘാതകര് തന്നെ ഗാന്ധിജിയെ സ്വന്തമാക്കാന് ശ്രമിക്കുന്നു. ഗാന്ധിജിയുടെ വാചകങ്ങളെ ഇവര് തങ്ങള്ക്ക് അനുകൂലമായി വ്യാഖ്യാനിക്കാന് ശ്രമിക്കുന്നു . ഈ സാഹചര്യത്തില് ഇത്തവണത്തെ ഗാന്ധി ജയന്തി ദിനാഘോഷങ്ങള്ക്ക് പ്രസക്തി വര്ധിക്കുന്നു.രാഷ്ട്രപിതാവായ ഗാന്ധിജിയേയും ആശയങ്ങളേയും നിലനിര്ത്തുമെന്ന പ്രതിജ്ഞയാണ് ഈ ദിനത്തില് ഓരോ ഇന്ത്യക്കാരനും ഉറക്കെ ചൊല്ലേണ്ടത്.