സരിത്തിനെ കസ്റ്റഡിയില് എടുത്തത് പാലക്കാട് വിജിലന്സ് യൂണിറ്റ്. ലൈഫ് മിഷന് കേസില് മൊഴിയെടുക്കാനാണ് വിളിപ്പിച്ചത്. മൊഴിയെടുത്ത് കഴിഞ്ഞാല് വിട്ടയക്കുമെന്നും വിജിലന്സ് പറഞ്ഞു.
നോട്ടീസ് നല്കിയാണ് കൊണ്ട് പോയതെന്നും വിജിലന്സ് അറിയിച്ചു. അതേസമയം വിജിലന്സ് ഒരു നോട്ടീസും നല്കിയിട്ടില്ലെന്നും എന്തിനാണ് ഇന്ന് രാവിലെ തന്നെ കൊണ്ട് പോയതെന്നുമാണ് സ്വപ്ന സുരേഷ് ചോദിച്ചത്.
തന്റെ വാര്ത്താസമ്മേളനത്തിന് പിന്നാലെ പാലക്കാട്ടെ ബെല് ടെക് ഫ്ളാറ്റില് നിന്ന് സരിത്തിനെ പൊലീസിന്റെ വേഷത്തിലെത്തിയ സംഘം തട്ടിക്കൊണ്ട് പോയെന്നാണ് സ്വപ്ന സുരേഷ് പറഞ്ഞത്.
മഫ്തിയിലുള്ള പൊലീസെന്ന് പറഞ്ഞ് വെള്ള സ്വിഫ്റ്റ് കാറിലെത്തിയവര് സരിത്തിനെ ബലം പ്രയോഗിച്ച് തട്ടിക്കൊണ്ട് പോവുകയായിരുന്നു. പൊലീസല്ല കൊണ്ട് പോയത്. തന്നോടൊപ്പം നില്ക്കുന്നവരെയൊക്കെ ആക്രമിക്കുകയാണ്.എല്ലാവരുടെയും ജീവന് ഭീഷണിയുണ്ടെന്നും സ്വപ്ന സുരേഷ് പറഞ്ഞിരുന്നു.