പാലാ സെന്റ് തോമസ് കോളേജില്‍ പെണ്‍കുട്ടിയെ കുത്തിക്കൊന്നു. ഇന്ന് രാവിലെ സുഹൃത്തുക്കള്‍ക്കൊപ്പം സംസാരിച്ച് നില്‍ക്കുമ്പോഴാണ് തലയോലപ്പറമ്പ് സ്വദേശിയായ നിതിന മോളെ അഭിഷേക് ബൈജുവെന്ന യുവാവ് കഴുത്തറുത്ത് കൊലപ്പെടുത്തിയത്. കത്തികൊണ്ടാണ് കുത്തിക്കൊലപ്പെടുത്തിയത്. ബിവോക് ഫുഡ് ടെക്‌നോളജി വിദ്യാര്‍ത്ഥികളാണ് ഇരുവരും.
പ്രതിയെ പൊലീസ് അറസ്റ്റ് ചെയ്തു. ഗുരുതരമായി പരിക്കേറ്റ പെണ്‍കുട്ടിയെ പാലാ മരിയന്‍ ഹോസ്പിറ്റലില്‍ എത്തിച്ചെങ്കിലും രക്ഷിക്കാനായില്ല. ബിരുദ പരീക്ഷകഴിഞ്ഞ് പുറത്തിറങ്ങിയതിന് ശേഷമാണ് അഭിഷേക് ബൈജു കൊലപാതകം നടത്തിയതെന്നാണ് പ്രാഥമിക റിപ്പോര്‍ട്ടുകള്‍.