പാലാ സീറ്റില് ഇടഞ്ഞ മാണി.സി.കാപ്പന്റെ നേതൃത്വത്തിലുള്ള എന്.സി.പി വിഭാഗം ദേശീയ പ്രസിഡന്റ് ശരത് പവാറുമായി നിര്ണായക ചര്ച്ച നടത്തുന്നതിനായി മുംബൈയ്ക്ക് പോകും. മറ്റന്നാളാണ് ചര്ച്ച. എന്നാല് ഇടതുമുന്നണിയില് ഉറച്ചു നില്ക്കുമെന്ന നിലപാടിലാണ് മന്ത്രി എ.കെ ശശീന്ദ്രന്.കാപ്പന് വിഭാഗം എ.കെ.ശശീന്ദ്രനെതിരെ ശരത് പവാറിന് പരാതി നല്കി. തിരുവനന്തപുരത്ത് യോഗം വിളിച്ചതിന് മന്ത്രി എ.കെ ശശീന്ദ്രനെതിരെ നടപടിയെടുക്കണമെന്നാണ് ആവശ്യം.
പാലാ സീറ്റ് ലഭിച്ചില്ലെങ്കില് മുന്നണിയില് തുടരാനാവില്ലെന്ന നിലപാടിലാണ് മാണി.സി.കാപ്പന്. സീറ്റ് ലഭിക്കുമോയെന്ന കാര്യത്തിലെ തീരുമാനം ഇനിയും വൈകിപ്പിക്കാനാവില്ലെന്ന് നേതൃത്വത്തെ അറിയിക്കും.
മുന്നണി മാറ്റത്തെക്കുറിച്ച് പുതിയ തീരുമാനം ദേശീയ-സംസ്ഥാന നേതൃത്വം എടുത്തതായി തനിക്കറിയില്ലെന്ന് മന്ത്രി എ.കെ ശശീന്ദ്രന് ദ ക്യുവിനോട് പറഞ്ഞു. ദേശീയ എന്ത് തീരുമാനം എടുക്കുമെന്ന് മുന്വിധിയോടെ പറയനാകില്ലെന്നും എ.കെ ശശീന്ദ്രന് പ്രതികരിച്ചു.