Around us

നാളെ ഡോക്ടര്‍മാരുടെ സമരം

THE CUE

ദേശീയ മെഡിക്കല്‍ കമ്മീഷന്‍ ബില്ല് പാസ്സാക്കിയതിനെതിരെ രാജ്യവ്യാപകമായി നാളെ ഡോക്ടര്‍മാര്‍ പണിമുടക്കും. സര്‍ക്കാര്‍ ഡോക്ടര്‍മാരും സ്വകാര്യമേഖലയിലുള്ളവരും 24 മണിക്കൂര്‍ നീണ്ട സമരത്തില്‍ പങ്കെടുക്കും. ഇന്ത്യന്‍ മെഡിക്കല്‍ അസോസിയേഷനാണ് സമരത്തിന് ആഹ്വാനം ചെയ്തിരിക്കുന്നത്.

അത്യാഹിത വിഭാഗത്തെ സമരത്തില്‍ നിന്ന് ഒഴിവാക്കിയിട്ടുണ്ട്. ശസ്ത്രക്രിയകള്‍ നടക്കും. ആരോഗ്യമേഖലയെ സ്തംഭിക്കുമെന്നാണ് ആശങ്ക.

ഡോക്ടര്‍മാര്‍ക്ക് പ്രാക്ടീസ് ആരംഭിക്കുന്നതിന് മുമ്പ് ദേശീയ പരീക്ഷ ശുപാര്‍ശ ചെയ്യുന്നതാണ് മെഡിക്കല്‍ കമ്മീഷന്‍ ബില്ല്. ഇത് കഴിഞ്ഞ ദിവസം ലോകസഭ പാസ്സാക്കിയിരുന്നു.എംബിബിഎസിന്റെ അവസാന വര്‍ഷത്തെ പരീക്ഷ രാജ്യത്താകെ ഒന്നായിരിക്കും. നീറ്റിന്റെ അടിസ്ഥാനത്തിലായിരിക്കും എയിംസ് ഉള്‍പ്പെടെയുള്ള എല്ലാ സ്ഥാപനത്തിലേക്കും പ്രവേശമെന്നും ബില്ലിലുണ്ട്. പ്രാഥമിക ശുശ്രൂഷ, പ്രതിരോധ കുത്തിവെപ്പ് എന്നിവയ്ക്ക് ഹെല്‍ത്ത് വര്‍ക്കര്‍മാര്‍ക്ക് നിയന്ത്രിത ലൈസന്‍സ് നല്‍കും.

ദേശീയ മെഡിക്കല്‍ കമ്മീഷനെ ആരോഗ്യ സംബന്ധമായ കാര്യങ്ങളില്‍ അന്തിമ അതോറിറ്റിയായും ചുമതലപ്പെടുത്തുന്നതാണ് ബില്ല്. ഇതോടെ ഇന്ത്യന്‍ മെഡിക്കല്‍ കൗണ്‍സില്‍ ഇല്ലാതാകും. കമ്മീഷന് കീഴിലുള്ള സ്വതന്ത്ര ബോര്‍ഡുകളായിരിക്കും മെഡിക്കല്‍ കോളേജുകള്‍ക്ക് അംഗീകാരം നല്‍കുകയെന്നും ബില്ലില്‍ വ്യവസ്ഥയുണ്ട്.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT