സംഗീത സംവിധായകന്‍ ചന്ദ്രന് വയ്യാട്ടുമ്മല്‍ എന്ന പാരീസ് ചന്ദ്രന് അന്തരിച്ചു. 66 വയസ്സായിരുന്നു.
ഹൃദയാഘാതത്തെ തുടര്‍ന്ന് കഴിഞ്ഞദിവസം വൈകീട്ടോടെ കോഴിക്കോട് മെഡിക്കല്‍ കോളേജ് ആശുപത്രിയിലായിരുന്നു അന്ത്യം. നിരവധി നാടകങ്ങള്‍ക്കും സിനിമകള്‍ക്കും സംഗീതം ചെയ്തിട്ടുണ്ട്.
ബയോസ്‌കോപ്പ് എന്ന സിനിമയ്ക്ക് പശ്ചാത്തല സംഗീതം ഒരുക്കിയതിന് 2008ലെ സംസ്ഥാന അവാര്‍ഡ് പാരീസ് ചന്ദ്രന് ലഭിച്ചിരുന്നു. 2010ലെ കേരള സ്‌റ്റേറ്റ് ടെലിവിഷന്‍ അവാര്‍ഡ് ജേതാവായിരുന്നു. 'പ്രണയത്തില്‍ ഒരുവള്‍' എന്ന ടെലിഫിലിമിന്റെ സംഗീത സംവിധാനത്തിനായിരുന്നു പുരസ്‌കാരം ലഭിച്ചത്. സംസ്‌കാരം തിങ്കളാഴ്ച കോഴിക്കോട് നരിക്കുനിയിലെ വീട്ടുവളപ്പില്‍ നടക്കും.