പ്രധാനമന്ത്രി നരേന്ദ്രമോദിക്ക് പിറന്നാള് ആശംസകള് നേര്ന്ന് നടന് മോഹന്ലാല്. ഈ യാത്രയില് സര്വ്വേശ്വരന് നല്ല ആരോഗ്യവും, സന്തോഷവും, വിജയവും നല്കട്ടെയെന്ന് മോഹന്ലാല് കുറിച്ചു. മോദിയോടൊപ്പമുള്ള ചിത്രം പങ്കുവെച്ചായിരുന്നു താരത്തിന്റെ പിറന്നാളാശംസ.
'നമ്മുടെ ബഹുമാനപ്പെട്ട പ്രധാനമന്ത്രി നരേന്ദ്രമോദിജിക്ക് ജന്മദിനാശംസകള്. അങ്ങയുടെ ഈ യാത്രയിലുടനീളം സര്വ്വേശ്വരന് നല്ല ആരോഗ്യവും, സന്തോഷവും, വിജയവും, നല്കട്ടെ', മോഹന്ലാല് കുറിച്ചു.
പ്രധാനമന്ത്രി നരേന്ദ്രമോദിയുടെ 71-ാം ജന്മദിനമാണ് ഇന്ന്. 'സേവാ ഓര് സമര്പ്പണ് അഭിയാന്' എന്ന പേരില് മൂന്നാഴ്ച നീണ്ട് നില്ക്കുന്ന ആഘോഷപരിപാടികളാണ് രാജ്യത്ത് സംഘടിപ്പിച്ചിട്ടുള്ളത്. വാരണാസിയിലെ ക്ഷേത്രത്തില് 71,000 മണ്ചെരാതുകള് തെളിയിച്ചായിരിക്കും പ്രധാനമന്ത്രി ജന്മദിനം ആഘോഷിക്കുക. ഉത്തര്പ്രദേശിയെ ഗംഗാനദിയില് 71 ഇടങ്ങളില് ശുചീകരണം നടത്തുന്നുണ്ട്.