മന്ത്രി കെ.ടി ജലീലിനെ ദേശീയ അന്വേഷണ ഏജന്സി കൊച്ചിയില് ചോദ്യം ചെയ്യുന്നു. ഇന്ന് പുലര്ച്ചെ ആറ് മണിയോടെ മന്ത്രി കെ.ടി ജലീല് സിപിഎം നേതാവും ആലുവ മുന് എം എല് എയുമായ എ എം യൂസുഫിന്റെ കാറില് കൊച്ചി എന്ഐഎ ആസ്ഥാനത്തെത്തി. ഇന്നലെ രാത്രിയോടെ മന്ത്രി തിരുവനന്തപുരത്ത് നിന്ന് കൊച്ചിയിലെത്തിയിരുന്നു. എന്ഫോഴ്സ്മെന്റ് ഡയറക്ട്രേറ്റിന്റെ ചോദ്യം ചെയ്യലിന് പിന്നാലെയാണ് എന്ഐഎ ചോദ്യം ചെയ്യുന്നത്.
യുഎഇ കോണ്സുലേറ്റ് വഴി ഖുറാന് വിതരണം നടത്തിയതിന്റെ മറവില് നയതന്ത്ര ചാനലിലൂടെ സ്വര്ണ്ണക്കടത്ത് നടന്നോ എന്ന് എന്ഐഎ പരിശോധിക്കുന്നുണ്ട്. ഇതിന്റെ അടിസ്ഥാനത്തിലാണ് എന്ഐഎ മന്ത്രിയില് നിന്ന് വിവരങ്ങള് ശേഖരിക്കുന്നത്. മതഗ്രന്ഥങ്ങള് എന്ന പേരില് സ്വര്ണം കടത്തിയിരുന്നോ, സ്വപ്നയുമായുള്ള പരിചയം എന്നിവ സംബന്ധിച്ചും നേരത്തെ എന്ഫോഴ്സ്മെന്റ് മന്ത്രിയില് നിന്ന് വിവരങ്ങള് ആരാഞ്ഞിരുന്നു. ഇന്നലെ എന്ഐഎ ഉന്നത ഉദ്യോഗസ്ഥര് ഇഡി കൊച്ചി ഓഫീസിലെത്തി ജലീലിനെ ചോദ്യം ചെയ്തതിന്റെ വിശദാംശങ്ങള് വിലയിരുത്തിയിരുന്നു.
കൊച്ചി എന്ഐഎ ഓഫീസിന് മുന്നില് പൊലീസ് ക്യാമ്പ് ചെയ്യുന്നുണ്ട്. പ്രതിഷേധം കണക്കിലെടുത്താണ് ഡിസിപി പൂങ്കുഴലിയുടെ നേതൃത്വത്തില് സ്ഥലത്ത് പൊലീസ് നിലയുറപ്പിച്ചത്. ഇവിടെ ബാരിക്കേഡും സ്ഥാപിച്ചിട്ടുണ്ട്. ഇഡി ചോദ്യം ചെയ്യലിന് പിന്നാലെ കെ.ടി ജലീലിന്റെ രാജി ആവശ്യപ്പെട്ട് സംസ്ഥാന വ്യാപകമായി പ്രതിപക്ഷ കക്ഷികളുടെ പ്രതിഷേധമുണ്ടായിരുന്നു.