ആരോഗ്യമന്ത്രിക്ക് മീഡിയ മാനിയ എന്ന പരാമര്ശത്തില് പ്രതിപക്ഷനേതാവ് രമേശ് ചെന്നിത്തലയ്ക്ക് മറുപടിയുമായി കെകെ ശൈലജ. പ്രതിപക്ഷനേതാവിന് മറുപടി പറയുന്നില്ല, ഇത് ഒരു യുദ്ധമാണ്, മരിക്കാതിരിക്കാനുള്ള യുദ്ധം, അതില് വലിയ പിന്തുണ കിട്ടുന്നുണ്ടെന്നും ആരോഗ്യമന്ത്രി ഏഷ്യാനെറ്റ് ന്യൂസിനോട് പറഞ്ഞു.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കല്ലേറുകള് അതിന്റെ പാട്ടിന് പോകട്ടെ, അമ്മയെ തല്ലിയാലും രണ്ട് പക്ഷമുണ്ടാകുമെന്ന് പറയുന്നത് പോലെയാണ് പ്രതിപക്ഷ ആരോപണം. ഒന്നും ചെയ്യുന്നത് ഒറ്റക്കല്ല, കൂട്ടായ പരിശ്രമമാണെന്നും മന്ത്രി പറഞ്ഞു.
ആരോഗ്യ മന്ത്രി കെകെ ശൈലജക്ക് മീഡിയ മാനിയ ആണെന്നും, ഇമേജ് ബില്ഡിങ് നടത്തുകയാണെന്നുമായിരുന്നു നേരത്തെ രമേശ് ചെന്നിത്തല പറഞ്ഞത്. കൊവിഡ് 19 പ്രതിരോധ പ്രവര്ത്തനത്തെ പ്രതിശ്ചായ കൂട്ടുന്നതിനായി ആരോഗ്യമന്ത്രി ഉപയോഗിക്കുകയാണെന്നു പ്രതിപക്ഷം ആരോപിച്ചിരുന്നു.